Izaskun Bilbao: 'Legebiltzarrak lortutako akordioa apurtu du EH Bilduk'
Maiatzaren 26ko Europako hauteskundeetan beste lau urtez ordezkaritza lortu duen Izaskun Bilbao EAJren eurodiputatu elkarrizketatu dute gaur Radio Euskadin. Elkarrizketan, hauteskunde kanpainan EH Bilduk egindako iragarpenari buruz galdetu diote. Arnaldo Otegik esan zuenez, ekainean estatutu politiko berriaren testu bat aurkeztuko du EH Bilduk.
Bilbaorentzat "harrigarria" da koalizio abertzalearne ekimena. Horren aburuz, "Legebiltzarrak lortutako akordioa apurtu du EH Bilduk". Gasteizeko ganberako lantaldean ituna lortu zuten EAJk eta EH Bilduk, eta orain akordio hori oinarri hartuta, adituen talde bat ari da testua idazten. Beste testu bat proposatzeko hautuak "EH Bilduk dituen barne arazoei" erantzuten diela uste du EAJren eurodiputatuak. Horren ildoan nabarmendu duenez, adituen lanak "bere horretan jarraitu behar du" EH Bilduk kontrakoa nahi badu ere.
Udal eta foru hauteskundeen osteko itunei buruz galdetuta, Bilbaok erantzun du EAJren eta PSE-EEren arteko koalizio akordioa "positiboa" izan dela, eta eredua errepikatzearen alde agertu da. Dena dela, gogorarazi du alderdiaren zuzendaritzak —gaur da biltzekoa— izango duela azken hitza: "EBBk erabakiko du bidea, baina argi dago euskal herritarrek modu positiboan hartu dute egonkortasun hori, eta akordioak ongi funtzionatu du".
Carles Puigdemonten behin-behineko akreditazioa ere izan du hizpide EAJko kideak. Bilbaoren iritzian, "Antonio Tajani Parlamentuko presidenteak batzuen alde egin du, eta ez du denen ordezkari den erakunde baten mailan jokatu". EAJren eurodiputatuak esan du erabakia "absurdoa" dela "behin-behineko akreditazioek ez dutelako ezertarako balio, ez bada izapideak aurreratzeko". "Ez dut ulertzen zergatik baliogabetu behar diren gainerako eurodiputatuen akreditazioak. Gauzak txarto egiten ari dira. Parlamentuko presidentea gatazka horretatik kanpo geratu beharko litzateke".
______________________
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.