'Ez gaude mehatxu faxistatik salbu', ohartarazi dute Artxandako omenaldian
Artxandan (Bilbo) Gerra Zibilean borrokatu zuten miliziano eta gudariei omenaldia egiten diete urtero. Ekitaldiko antolatzaileek "memoria egitea" eskatu dute igande honetan. Antolatzaileen hitzetan, iragana gogoratu beharra dago, "berriz suspertu den faxismoaren mehatxutik salbu ez gaudelako".
Urtero 'La Huella-Aterpe 1936' eskulturaren aurrean, Artxanda mendian, egiten den omenaldian parte hartu dute gudarien eta milizianoen senideek, lagunek eta ordezkari politikoek, besteak beste, Iñigo Urkullu lehendakariak.
Era berean, Juan Mari Aburto Bilboko alkatea, Eusko Jaurlaritzako sailburu batzuk eta EAJ, PSE-EE, EH Bildu eta Elkarrekin Podemoseko ordezkariak omenaldian izan dira.
Besteak beste, EAJ, PSE-EE, ANV, PCE-EPK alderdiek, ELA, UGT eta CNT sindikatuek eta Sabino Arana eta Ramon Rubial fundazioek antolatu dute ekitaldia. Alejandro del Amo Meabe Batailoiko milizianoa eta Jose Moreno San Andres Batailoiko gudaria omenaldian izan dira.
Ekitaldian, bi gaztek euskaraz eta gaztelaniaz testu bat irakurri dute. "Berpiztutako faxismo garaikidearen mehatxuaz" ohartarazi dute. "Diktadorea hil zenetik 40 urte baino gehiago" pasa direnean, oraindik "baso eta arekatatik gorpuak" ateratzen jarraitzen dutela deitoratu dute.
"Epaitegiak oraindik diktadorearen gorpua Erorien Haraneko mausoleotik ateratzeko luzamendutan dabiltza, eta frankismoaren inguruko edozein gai auzitara ematen dute", salatu dutenez.
Milizianoei eta gudariei omenaldia Artxandan (Bilbo). Argazkia: EFE/JAVIER ZORRILLA
"Genozidio frankistaren biktimek egia, justizia, erreparazioa eta ez errepikatzeko bermeak behar dituzte", azpimarratu dute. Horregatik, haien "memoria eta eskubideak" aldarrikatu dituzte antolatzaileek.
"Gure gudarien, milizianoen, eta hasiera batean diktadura eragozten saiatu zirenen, eta beranduago, gure herriko ia txoko guztiak 40 urte luzez estali zuen faxismoaren ankerkeriari aurre egin ziotenen idealak zapuztu ditzakeen ahanzturari ezin diogu lekurik utzi", nabarmendu dute.
"Oraindik frankismoaren aurkako prozedura judizial orokorrik izan gabe jarraitzen dugu", deitoratu dute.
"Bilboko oroitzapenen egutegiak egun argiak eta ilunak ditu", adierazi du Josu Erkoreka Eusko Jaurlaritzako bozeramaileak. "Tropa frankistek Bilbo okupatu zutenek eguna iluna izan zen, askatasun faltari, aurkakoen jazarpenari eta oinarrizko eskubideen urraketari bide eman zien epe luzeegian", gaineratu duenez.
Horregatik, urtero erakundeetako ordezkariak, politikariak, sindikatuak eta elkarteak Artxandan biltzen dira, "epe ilun hori zabaldu nahi zutenen kontra borroka egin zuten pertsonak omentzeko".
Elkarte zein erakunde demokratikoen konpromiso bat da, "etorkizunean halakorik berriro ez errepikatzeko", esan du Erkorekak.
Milizianoei eta gudariei omenaldia Artxandan (Bilbo). Argazkia: EFE/JAVIER ZORRILLA
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.