EAEko lau herritarretik batek nahi du PSOE-Podemos koalizio gobernua
EAEko herritarren % 27k nahiago du PSOEk eta Unidas Podemosek osatutako koalizio gobernua Espainian, eta % 16k formula hori babesten du, baina nazionalistak batuta. % 13k sozialistek eta nazionalistek egindako gobernua nahi du, eta % 7k soilik babesten du PSOE bakarrik duen gobernua, Euskobarometroaren arabera.
EHUko Politika eta Administrazio Zientzia Sailak egin du ikerketa, Francisco Jose Lleraren zuzendaritzapean, eta maiatzaren 28tik ekainaren 19ra egindako 1.200 inkesta baliatu dituzte horretarako.
Bestalde, inkestari erantzun dioten herritarren herenak Pedro Sanchezen Gobernuaren kudeaketa babestu du, eta kontrako jarrera agertu du lautik batek (aurreko seihilekoan baino % 12 gutxiago).
EAEko herritarrek 6,1eko puntuazioa eman diote (0tik 10era) Iñigo Urkulluri eta Jaurlaritzari, aurreko seihilekoan baino 0,8 puntu gehiago. Gainera, % 86k babesten du Jaurlaritzaren kudeaketa (aurrekoan baino % 12 puntu gehiago).
Independentzia
Inkestaren arabera, herritarren % 67k independentziarako gogo gutxi (% 29) edo batere ez (% 38) du. Horren aurrean, EAEko herritarren % 27k du independentzia lortzeko gogo handia.
Independentziari buruzko erreferendum baten aurrean zer erantzungo luketen galdetuta, % 48k ezetz bozkatuko lukeela erantzun zuen (% 9ko gorakada), eta baietz, % 31k. Beraz, duela urte batzuetako berdinketa atzean geratu da.
Izan ere, % 22 gustura dago egungo autogobernuarekin, % 35ek eskumen guztiak eskuratu nahi ditu, % 26k autogobernua erreformatu eta handitu nahi du, eta % 11k burujabetzaren alde egin du.
Langabezia da herritarren ardura nagusia (% 40,8), alde handiarekin, eta atzetik geratu dira desberdintasun sozialak eta ongizatea (% 26), eta arazo ekonomikoak orokorrean (% 7) eta egoera politikoa (% 6).
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.