Mila lagun inguruk urruntze politikaren amaiera eskatu dute Gasteizen
Ehunka lagunek manifestazioa egin dute larunbat arratsalde honetan Gasteizen, Andre Maria Zuriaren jaien bezperan, gaur egungo espetxe politikarekin amaitzea eta bizikidetzaren alde urratsak ematea eskatzeko.
"Korapiloak askatzeko unea da. Denok batera. Presoak etxera" lelopean, Andre Maria Zuriaren plazan hasi da Sare herritarrak deitutako manifestazioa.
Besteak beste, Miren Larrion EH Bilduko Gasteizko zinegotziak eta Kike Fernandez de Pinedo EH Bilduko Arabako Batzar Nagusietako bozeramaileak ere bat egin dute urruntze politikaren amaiera eskatzeko manifestazioarekin.
Ibilbidea hasi aurretik, gaixo dauden presoen urruntzearekin amaitzeko egin diren "adierazpen garrantzitsuak aintzat har ditzatela" eskatu die Joseba Azkarraga Sareko bozeramaileak euskal erakundeei. Ildo horretatik, “salbuespenezko espetxe politikarekin amaitzearen alde” azken hilabeteetan lortutako akordioak balioan jartzeko eskatu die.
Azkarragak nabarmendu duenez, "euskal gizartearen % 85a baino gehiago” ordezkatzen dute erakunde horiek”, eta herritarren gehiengoak “egungo espetxe politikari amaiera eman behar zaiola esan du”.
Halaber, Espainiako Gobernuari esan dio gobernua eratzeko arazoak ez direla “jendearen sufrimendua gehiago luzatzeko aitzakia". Gauzak horrela, "Sanchez presidenteak berak duela urtebete iragarri zuen bidea jorratuz konponbideak bilatzea” eskatu dio Espainiako Gobernuari.
Azkarragak azpimarratu duenez, gaurkoa bezalako manifestazioekin ez dute "inolako pribilegiorik" eskatu nahi euskal presoentzat, bakarrik legedi arrunta ezartzea, eta, horrela, "haien etxeetara bueltatzea ahalbidetzea".
Manifestazioaren amaierako ekitaldian, Sareko bozeramaileek manifestu bat irakurri dute. "Bakean, justizian eta bizikidetzan oinarritutako gizarte bat” aldarrikatu dute, "sufrimendurik, biktima gehiagorik eta euskal preso eta iheslaririk gabe".
"Gizarte bat, non, indarkeria jasan duten pertsona guztiak errespetatuak izan daitezen eta haien samina aitortua izan dadin. Alderaketarik egin gabe, baina bakar bat ere ahaztu gabe. Zatiketetan sakondu gabe. Politikoki inoren sufrimendua erabili gabe", eskatu dute Arantza Armentiak eta Xabier Izagak.
"Auzi honi konponbidea emateko ardura daukagu, behingoz, gertatutako oro berriro ez gertatzeko bermeak ezarriz. Gero eta sare zabalagoa eta pluralagoa gara, eta akordioak bilatzeko lanean jarraituko dugu", ondorioztatu du Sarek.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.