Nafarroako Ikurren Lege berri bat proposatuko du Navarra Sumak
Nafarroako Parlamentuan ikurren lege berri bat onartzeko proposamen bat aurkeztuko duela iragarri du ostegun honetan Navarra Sumak. Uxue Barkosen gobernuak aurreko legealdian indargabetu zuen Nafarroako erakundeetan ikurrina jartzea debekatu eta zigortzen zuen foru legea.
Javier Esparza Navarra Sumak Nafarroako Parlamentuan duen bozeramaileak goizean esan duenez, proposamena aurrera atera ahal izateko PSNren babesa izatea espero du. Ildo horretatik, "hauteskunde kanpainan hartutako konpromisoen neurriko jarrera" izatea eskatu die sozialistei.
Esparzak azpimarratu duenez, “Nafarroako nortasuna zaintzeko” eta “bertako sinboloen erabileraren inguruan beharrezkoa den erregulazioa” ezartzeko helburuarekin egin dute ikurren lege berri bat onartzeko proposamena. Halaber, "administrazio eta zuzenbide ikuspegitik ere” ikurren erabilpena babesteko beharra ikusi du Navarra Sumak.
Navarra Sumako bozeramaileak adierazi duenez, "Nafarroak berarenak diren ikurrak ditu, herritar guztiak batzen gaituena. Beharrezkoa da nafar guztiei batzen gaituena indartzeko betebeharrarekin lan egitea". "Ikurrek errealitate instituzionala ordezkatzen dute. Kasu honetan, bere ezaugarri propioak dituen foru erkidego berezi bat ordezkatzen dute, identitate espainiarra eta europarra duena, eta erakundeetan errealitate hori definitzen duten ikurrak onbideratu behar dira", esan du.
Esparzak gogora ekarri duenez, ikurren legea indargabetu zutenean, "Nafarroako gizarteak manifestazio bat egin zuen eta erabakia zuzentzeko eskatu zion Foru Gobernuko presidenteari; hori ez zela bidea eta Nafarroako sinboloak errespetatu behar zirela esanez. Maria Chivitek ere UPNk, PSNk, PPk eta Ciudadanosek babestutako manifestazio horretan parte hartu zuen".
Lege-proposamenak Nafarroako banderaz, armarriaz eta bertako ereserkiaz hitz egiten du. Gainera, arau-hauste arinak dituen zehapen-araubidea jasotzen du (2.000 euro arteko isuna jasoko dute), larriak (2.001 eta 10.000 euro arteko isuna) eta oso larriak (10.001 eta 150.000 euro arteko isuna).
Horrez gain, Nafarroako Tokiko Administrazioaren erreforma indargabetzeko foru lege proposamena ere aurkeztuko du Navarra Suma koalizioak. "Aurreko legealdian Nafarroako Tokiko Mapa aldatzea gogor kritikatu zuen gehiengo zabala dago Parlamentuan, eta espero dut hauteskundeen aurretik hartutako konpromisoak betetzea", gaineratu du Esparzak.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.