Eusko Jaurlaritzak elkarlanean egindako lana azaldu dio Urkulluk Maltako Ordenari
Iñigo Urkullu lehendakaria Maltako Ordenaren arduradun nagusiekin bildu da astearte honetan, eta Eusko Jaurlaritzaren garapenerako lankidetza arloko lan-ildo nagusiak ez ezik, “Share” proposamena aurkeztu die. Ekimen horrek, pobreziatik eta gatazka armatuetatik ihes egiten duten pertsonak Europako herrialdeen artean modu koordinatuan banatzea du helburu.
Urkullu bi eguneko bidaia ofiziala egiten ari da Erroman eta Vatikanoan. Asteazken honetan, Frantzisko Aita Santua buru duen audientzia publikoan izango da lehenik, eta Pietro Parolin Vatikanoko estatu idazkariarekin bilduko da ondoren, “Share” proposamenaren berri emateko. Herrialdeen aberastasunaren, biztanleriaren eta langabezia tasaren araberako migratzaile eta errefuxiatuen banaketa sistema proposatzen du programa horrek.
Gaur arratsaldean, Maltako Ordenaren Kanpo Harremanetako Idazkari Nagusi eta Italiako Errepublikan enbaxadore den Stefano Rocarekin bildu da lehendakaria, eta Maltako Ordenaren eginkizuna azaldu dio. Zehazki, gatazka armatuen eta hondamendi naturalen biktimak eta errefuxiatuak laguntzea da bere helburua.
Jonan Fernandez Giza Eskubide, Bizikidetza eta Lankideratzen idazkari nagusia eta Marian Elorza Kanpo Harremanetarako Idazkari Nagustia ere hitzordu horretan izan dira. Maltako Ordenaren ordezkaritzan, berriz, Ivo Graziani Maltako Ordenaren Abegitsu Nagusiaren bulegoaren zuzendari eta ekintza humanitariorako eta lankidetzarako ministroa izan da.
Bilera amaitzean, Urkulluk eta Roncak elkarrizketekin jarraitzeko konpromisoa hartu dute, lankidetzarako esparruak bilatzeko helburuarekin. Horrez gain, Maltako Ordenak urriaren 8an UNESCOrekin batera antolatu duen gizakien salerosketari buruzko jardunaldira gonbidatu Eusko Jaurlaritza, nazioarteko beste eragile batzuekin batera parte hartzeko.
Maltako Ordena, Nazio Batuetan ordezkaritza duena, 120 herrialdetan burutzen ditu gizarte, osasun eta humanitarioak diren proiektuak. Horretaz gain, harreman diplomatikoak ere mantentzen ditu 108 herrialderekin , Eusko Jaurlaritzak ohar batean jakinarazi duenez.
Albiste gehiago politika
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.