Mossoen kargak ikertzea eskatu dio Torrak Buchi
Quim Torra Generalitateko presidenteak eskatu du ikerketa abiatzea Esquadra Mossoen barnean, protokoloek jasotzen dituzten argibideetatik kanpoko kargak egon ote diren egiaztatzeko, eta, hala balitz, espedienteak irekitzeko; halaber, Torrak "indarkeria guztiak" gaitzesten duela nabarmendu du, eta deitoratu du batzuek esatea ez duela hori egin orain arte. Presidenteak eskatu du, horrez gain, Kataluniako Parlamentuan proces auziaren epaiaren osteko gatazken harira ikerketa-batzordea abiatzea.
Prentsaurrekoan, presidenteak babestu du argitu behar dela ea gehiegikeriaz jokatu duen agenterik izan den, herritarren polizia-indar honekiko konfiantza berreskuratzea xede.
Hori dela eta, eskaera luzatu dio Miquel Buch Barne Kontseilariari "segituan" barne-ikerketa abiatzeko, eta "behar beste espediente" irekitzeko indarrean dauden protokoloak errespetatu ez dituzten agenteen aurka.
Horrez gain, Torrak, astearte honetako gobernu-bileran, proposatu du Parlamentuak sortzea, "ahalik eta lasterren", ikerketa-batzorde bat, proceseko liderrak kondenatu zituen Auzitegi Gorenaren epaiaren aurkako protestetan izandako istiluengatik.
Batzorde horrek, azpimarratu duenez, "aztertu eta ikertu beharko ditu, gardentasun osoz, protestetan izandako gertaera guztiak"; iradoki du bertan Kataluniako Herriaren Defendatzailea eta giza eskubideetako erakundeak izatea, besteak beste.
"Indarkeria guztiak" gaitzesten ditu
Agerraldian, Torrak nabarmendu du "indarkeria guztiak" gaitzesten dituela, eta deitoratu du batzuek esatea ez duela hori egin orain arte: "Hori aitzakia da, istiluen atzeko gatazka politikoaz ez hitz egiteko".
"Aizu, ezin dut egunero jarraitu galdera horrekin, hori aitzakia da. Arazoa, hain zuzen ere, Katalunian dagoen gatazka politikoari ez heltzea da", adierazi du.
Azken egunotako manifestazioen gainean, Meritxell Budo Kataluniako Gobernuaren bozeramaileak ohartarazi du "zentzugabekeria" izango litzatekeela "lotzea" gazteak eta indarkeria.
Indarkeria guztiz gaitzesten duela islatzeko, Torrak aipamena egin dio Kataluniako Gobernuak astearte honetan onartutako akordioetako bati; horretan, goraipatu ditu epaiaren osteko "manifestazio baketsuak", eta salatu ditu "izandako indarkeriazko ekintza guztiak".
Halaber, Kataluniako Gobernuak adostu du "babesa ematea zauritu guztiei"; laster sendatzea opa die Torrak.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".