19 pertsona atxilotu dituzte eta 42 zauritu dira Katalunian bart izandako protestetan
Esquadra Mossoek eta Espainiako Poliziak 19 pertsona atxilotu dituzte bart Katalunian 'proces' auziaren epaiaren kontrako mobilizazioetan. Horrez gain, 42 manifestari eta 5 mosso zauritu dira istiluetan.
Mossoek emandako datuen arabera, 19 pertsona atxilotu dituzte: 4, Bartzelonan; 5, Gironan; 2, Lleidan; 2, Katalunia erdialdean, eta 6, Tarragonan. Sei horietatik hiru mossoek hartu dituzte atxilo; bi, Espainiako Poliziak, eta beste bat, Tarragonako Udaltzaingoak.
Desordena publikoak eta "agintaritzaren agenteen aurkako atentatua" egitea egotzi diete denei.
Bestalde, Larrialdi Medikoen Sistemak (SEM) 42 pertsona artatu ditu bart: 36, Bartzelonan; 5, Gironan, eta 1, Tarragonan. Mossoen arabera, 5 agente ere zauritu dira.
Bartzelonan zauritutako 36 lagunetako 16ri senda-agiria eman diete artatu dituzten lekuan bertan, eta gainerako 20ak erietxera eraman behar izan dituzte. Gironan 2 lagun ospitaleratu dituzte, eta Tarragonan, bakarra.
Osasun iturrien arabera, ospitaleratutako batek bi hagin galdu ditu foamezko pilota batek ahoan jo eta gero. Beste manifestari batek hainbat zauritu jasan ditu, ultraeskuindar talde batek emandako jipoiaren ondorioz. Makilak eta bateak zituzten 10 bat lagunek bakarrik zegoen mutil bat jipoitu dute.
Hainbat lagunek grabatu dute erasoa, eta bolo-bolo dabil sare sozialetan:
Izan ere, eskuin muturreko taldeen eta manifestari independentisten arteko enfrentamenduak izan dira bart Bartzelona erdigunean, batez ere Rambla inguruan. Botilak eta bestelako objektuak jaurti dituzte.
Ultraeskuindarrek elkarretaratzea egin zuten arratsaldean Sarria auzoan, baina bart hiriaren erdigunera joan dira burua estalita, makilak eta Espainiako banderak eskuan zituztela, eta independentisten aurkako eta Espainiaren aldeko oihuak eginez.
Zure interesekoa izan daiteke
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera ematen dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurrerati dute auzitara joko dutela.
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.