Bartzelonan egingo den manifestazioan parte hartzera deitu du Tsunami Democraticek
Kataluniako independentzia prozesuaren kontrako sententzia kaleratu zenetik egin diren mobilizazioetan polizia indarrek egin dituzten "erasoak" salatu ditu Tsunami Democratic plataformak, eta hori salatzeko gaur Bartzelonan egingo den manifestazioan parte hartzeko deia egin du.
Sare sozialen bidez zabaldutako agiri batean, Tsunami Democraticek esan du "Katalunian debekatuta dauden prozedurak eta erremintak" erabili direla azken asteotan, protestetan parte hartu duten herritarren kontra egiteko. Zauritutako pertsona guztiei "elkartasuna" adierazi die plataformak, eta kalean lanean aritu diren kazetariei ere babesa agertu die.
Era berean, Kataluniako hainbat tokitan egin diren ekintzak indarkeriarekin edota terrorismoarekin lotzea onartezintzat jo dute, gaur kaleratutako agirian. "Manifestazioak egitea, protestatzea edota kanpainak egitea terrorismoa bada, Estatuak dauka arazoa, ez protestan ari diren herritarrek", gehitu dute. Halaber, Tsunami Democraticen web orria itxi izana ere gogor kritikatu dute, eta adierazpen askatasunaren kontrako erasotzat jo dute.
Datozen asteotarako deituko dituzten ekintza zehatzen berri ez dute eman, baina iragarri dutenez, azaroaren 10eko hauteskunde orokorren bezperan, hausnarketa egunean, ekimen berezi bat egingo dute. Azaroaren 11rako, 12rako eta 13rako ere deialdiak egingo dituzte, eta abenduaren 18an, Bartzelonaren eta Real Madrilen arteko futbol partida jokatuko denean, zerbait deigarria egitea dute pentsatuta. Horretarako, aplikazioa erabiltzen jarraitzeko deia egin diete herritarrei, eta gaurko manifestazioan aplikaziorako kodeak banatuko dituztela ere jakinarazi dute.
Kataluniako mugimendu independentistaren "transbertsalitatea" nabarmendu dute komunikatuan, eta euren ekintza bakoitzean elkarrizketa aldarrikatuko dutela ziurtatu dute.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.