PSOEk irabaziko lituzke hauteskundeak, baina ordezkariak galduta
Espainiako Estatuan, PSOEk irabaziko lituzke igande honetako hauteskunde orokorrak, 114-119 ordezkari lortuta, baina 9 eserleku gal ditzake, GAD3 enpresak EiTB Taldearentzat egindako inkesta baten arabera. PPk eskuratuko luke bigarren tokia, 19-24 ordezkari gehiago eskuratuta (85-90 eserleku); beraz, igoera nabarmena izango luke.
VOX izango litzateke hirugarren indar politiko nagusia; izan ere, apirilaren 28ko hauteskundeetan erdietsitako ordezkari kopurua bikoiztu edo are gehiago hobetuko luke. Horrela, 24 diputatu izatetik 56-59 izatera pasatuko litzateke.
Podemosek 8-12 eserleku galduko lituzke, eta 30-34 ordezkarirekin geratuko litzateke. Ciudadanosek 14-15 diputatu erdietsiko lituzke, 42-43 eserleku galduta. Azkenik, Mas Pais alderdiak 3 diputatu lortuko lituzke bere estreinakoan.
EAEn, EAJk bere ordezkaritzari eutsiko lioke edo eserleku bat gehiago lortuko luke (6-7 eserleku), inkestaren arabera; beraz, zazpigarren diputatua eskura dezakete jeltzaleek. EH Bilduk ordezkari bat gal dezake (3-4); izan ere, Nafarroan ez luke eskuratuko koalizio abertzaleak, eta Arabakoa arriskuan du, PPren mesedetan.
PSE-EEk 4 diputatuei eutsiko lieke, eta Euskadiko bigarren indarra izango litzateke. Elkarrekin Podemos laugarren indarra izatera pasatuko litzateke (2-3 diputatu). PPk ordezkaritza berreskura dezake Araban eta Bizkaian (1-2 eserleku).
Nafarroan, Navarra Sumak bi ordezkari izaten jarraituko luke.
Katalunian, ERCk 1-2 eserleku gal ditzake, eta JxCatek 7 ordezkari izaten jarraituko luke edo bat galduko luke. CUP Diputatuen Kongresuan sartuko litzateke, 3-4 ordezkarirekin.
Zure interesekoa izan daiteke
"Fronte zabalak eraikitzea" eskatu du EH Bilduk, "ultraeskuinaren mehatxuaren aurrean"
Koalizio abertzaleak ohar bidez jakinarazi duenez, Sonia Jacinto Antolakuntza idazkaria eta Gorka Elejabarrieta Harreman Politikoetarako idazkaria Argentinara eta Uruguaira joan dira azken egunotan, eta hainbat ordezkari politiko, giza eskubideen aldeko erakunde eta euskal diasporako kiderekin bildu dira han.
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.