EBko Justizia Auzitegiko abokatua, Junqueras eurodiputatu gisa onartzearen alde
Europar Batasuneko Justizia Auzitegiko abokatu nagusiaren iritziz, Oriol Junqueras ERCko liderra Europako Parlamentuko kide gisa onartu beharko lukete, hauteskunde emaitzak aldarrikatuta, kontu formalak gorabehera.
Abokatu nagusiaren ondorioak (Maciej Szpunar poloniarra da) ez dira lotesleak Auzitegiarentzat, baina, gehienetan, Europako Gortearen erabakiak bideratzen dituzte.
Abokatuaren esanetan, aukeratu duten eta kidea den Estatuak Europako Parlamenturako hautatu ofizialki izendatu badu, pertsona bat Europako Parlamentuko kide da, "une horretatik, eta bakarrik ofizialki izendatu dutelako".
Nolanahi ere, abokatuak bere txostenean nabarmendu du eurodiputatuen immunitatea Parlamentuaren lehen saio-epea irekitzearekin batera aktibatzen dela; alegia, kasu honetan, uztailaren 2an.
Junquerasen defentsaren arabera, ERCko liderra immunitate horrek babesten du, maiatzeko hauteskundeetan eserlekua erdietsi zuenetik. Espainiaren eta Europako erakundeen iritziz, baina, ez du babes hori, ez baitzuen akta hartzerik izan.
Immunitatea
Abokatu nagusiak ebatzi duenez, Europako Justizia Auzitegiak ez du eskumenik Espainiako Auzitegi Gorenak mahaigaineratutako epaiketa-aurreko galderei erantzuteko; izan ere, proces auziaren epaiak (urriaren 14koa da, eta 13 urteko kartzela-zigorra eta 13 urteko gaitasungabetzea ezarri zizkion ERCko liderrari) indargabetu egin zuen Junquerasen agintaldia.
Espainiako Auzitegi Gorenak, Junquerasen defentsak eskatuta, epaiketa-aurreko galdera egin zion Europar Batasuneko Justizia Auzitegiari, europar legea nola ulertu behar zuen jakiteko, Kataluniako presidenteorde ohiak alegatutako parlamentu-immunitateari dagokionez.
Gorenak ez zion Junquerasi baimena eman kartzelatik irteteko "Konstituzioaren zina egiteko edo horri men egiteko promesa gauzatzeko", ezta eurodiputatuaren akta jasotzeko ere; izan ere, ihes egiteko arriskua zegoen, Auzitegiaren iritziz.
"Eurodiputatua hautatu duten Estatuko agintariak behartuta daude horrek bere betebeharrak bere gain hartzeko tramiteak oztopatzeko moduko neurririk ez gauzatzera, baita indarrean dauden neurriak indargabetzera ere, Parlamentuak immunitatea indargabetu ezean", abokatuaren arabera.
Albiste gehiago politika
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.