Mendiak, ERCri eta EH Bilduri: 'Gobernu aurrerakoia edo Voxekin batera bozkatu'
Idoia Mendia PSE-EEko idazkari nagusiak adierazi du ERCk eta EH Bilduk "erabaki" beharko dutela ondorengo asteotan, PSOEk eta Unidas Podemosek gobernu-akordioa sinatu ostean, zer nahiago duten: "Gobernu aurrerakoia edo Voxekin batera bozkatu".
Radio Euskadiko 'Boulevard Informativo' saioan egindako elkarrizketa batean, Mendiak nabarmendu du "boto-emaile aurrerakoiak" ilusioa berreskuratuko duela Pedro Sanchezek eta Pablo Iglesiasek astearte honetan iragarritako akordioarekin.
"Independentistek euren burua argitu beharko dute", adierazi du Idoia Mendiak, alderdi horien abstentzioaren beharraz galdetu diotenean: "EH Bildu egoera berean dago; aukeratu behar du zer nahi duen: Gobernu aurrerakoi bat izan edo ultraeskuinarekin batera bozkatu". Mendiak esan du PSOEk eta Unidas Podemosek ez dutela behar independentistek Gobernuan parte hartzea, eta EAJri dagokionez, Mendiak esan du espero duela alderdi horren zazpi diputatuek Sanchezen aldeko botoa ematea inbestidura-saioan.
PSOEk eta Unidas Podemosek emandako aurrerapausoarekin, alegia, "lau urterako akordioa" lortuta, egoera "desblokeatu egin da". Mendiak nabarmendu duenez, PSOE aurretik ere ahalegindu da Gobernua osatzen, "baina orain da posible; izan ere, hauteskundeak egiten diren bakoitzean, egoera politikoa aldatu egiten da". Bestalde, deitoratu duenez, "PPk ultraeskuinaren diskurtsoa erosi du. Vox Konstituzioaren balio guztien aurkakoa da".
"Herrialde-erronkak"
Mendiaren esanetan, "hainbat herrialde-erronkari heldu beharko diegu: ekonomia, eskubideak, demografia, ultraeskuina geldiaraztea…". Bestalde, PSE-EEko idazkari nagusiak "europar eta zentro-eskuineko alderdia" izatea eskatu dio PPri.
"Lurralde-erronkari" heltzeko, erreforma konstituzionala eskatu du, "ikuspegi federaletik hartuta". Kataluniarako bere apustua da "elkarrizketa, Konstituzioaren barnean", aurreakordioan jasota dagoenez. Pedro Sanchezek hitzemandako neurriek indarrean jarraitzen duten galdetuta (besteak beste, erreferendumak zigor-arloan tipifikatzea), Mendiak ez du argitu: "Ikusi beharko da akordioan dagoen ala ez".
Mendiak azpimarratu du PSOEren lurralde-politika Mariano Rajoy Espainiako presidente zegoela indarrean zegoena baino askoz ere irekiagoa izango dela: "Hau lehen harria da. Gobernua martxan dugunean, eskumenen agenda desblokeatzeko bide guztiak aktibatuko ditugu berriro ere".
Lasaitasun-mezua bidali die merkatuei eta langileei: "Espainiako Gobernuak konpromisoa du aurrekontu-ortodoxiarekin, desparekotasuna geldiarazita".
"Argi dago PSE-EE sendotuta dagoela, hauteskunde-ikuspegitik", esan du Mendiak. "Podemos", berriz, "abertzaleen proposamenen atzetik joaten da", horren hitzetan.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.