Sanchezen inbestidura negoziatzeko lan-taldeak adostu dituzte ERCk eta PSOEk
Alderdi independentistak erabakigarriak izango dira Pedro Sanchez sozialistak presidente karguan jarraitu nahi badu, eta azaroaren 10eko hauteskundeen amaitzak jakin orduko hasi zen PSOE ate-joka. Pablo Iglesias Unidas Podemoseko idazkari nagusiarekin gobernu-koalizioa osatzeko aurreakordioa sinatu badute ere, ERCko 13 diputatuen botoaren norabideak baldintza dezake prozesu osoa.
Azken orduotan ERCko iturriek jakitera eman dutenez, hitz egiten hasteko abiapuntua jarri dute PSOEk eta ERCk, Sanchezen inbestidura negoziatzeko lan-taldeak adostuta. Hala, Adriana Lastra PSOEko idazkari nagusiordearekin eta Gabriel Rufian ERCko Kongresuko eledunarekin negoziazio mahaian nortzuk eseriko diren erabaki zuten atzo iluntzean bi aldeek.
Marta Vilalta eta Josep Maria Jove ERCko idazkari nagusiaren ondokoa eta kontseilu nazionaleko presidentea, hurrenez hurren, izango dira Rufianen alboan eseriko direnak. Mahaiaren beste aldean, berriz, Lastrarekin batera, Salvador Illa PSCko antolakuntza idazkaria eta Jose Luis Abalos PSOEko antolakuntza idazkaria edo Carmen Calvo jardunean dagoen Espainiako Gobernuko presidenteordea jarriko dira.
Halere, ERCk astelehenean bere militanteei Sanchezen inbestiduraren inguruan egingo dien kontsultaren emaitzaren zain daude denak, ezertan hasteko.
Bere aldetik, Isabel Celaa Espainiako Gobernuko jarduneko bozeramaileak ez zuen atzo hitz erdirik esan ERCk negoziazioa abiarazteko mahai gainean jarri duen baldintzari buruz: Kataluniako gatazkari buruz hitz egiteko negoziazio mahaia sortzea.
Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.