EAJk eta Elkarrekin Podemosek erabakitzeko eskubidea xedapen gehigarrian sartuko dute
EAJk eta Elkarrekin Podemosek aukeratutako adituek erabakitzeko eskubidea Euskal Autonomia Erkidegoko Estatutu berri baterako testu artikulatuaren xedapen gehigarrian sartuko dute, Euskadi Irratiak eta Radio Euskadik jakitera eman duenez. Alabaina, formulazioarekin ez datoz bat eta bakoitzak bere testua jarriko du.
Adituen batzordeak goizean egin du bilera eta astelehenean eramango dute Eusko Legebiltzarrera Gernikako Estatutu erreformatzeko proposamena.
Zalantza zegoen erabakitzeko eskubidea sartuko zuten ala ez, eta azkenean xedapen gehigarri batean sartu dute, baina bi planteamendurekin: Mikel Legarda EAJkoak erabakitzeko eskubidea argi aipatzen du; Arantza Elizondo Elkarrekin Podemosekoak, modu ilunagoan; eta Alberto Lopez Basaguren PSE-EEkoak bi planteamenduen aurkako zuzenketa sartuko du.
Datorren astelehenean, Eusko Legebiltzarrean, adituek azken batzarra egingo dute urtebeteko lanaren emaitza entregatu aurretik.
EH Bilduk, berriz, bere testu propioa aurkeztuko du, uste baitu EAJk ez duela estatus berrirako oinarrien akordioa errespetatu. PPk, azkenik, egungo Gernikako Estatutua babestuko du, gainerako adituek planteatzen dutena inkonstituzionala dela iritzita.
Gaur bertan, Eusko Legebiltzarrak erabakitzeko eskubidearen aldeko zuzenketa bat onartu du EAJren eta EH Bilduren botoekin. PSE-EE eta PP kontra agertu dira; eta Elkarrekin Podemos abstenitu egin da, Pili Zabala izan ezik, alde bozkatu baitu.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".