PSOEk eta ERCk ixtear dute Sanchezen inbestidura ahalbideratuko duen akordioa
Pedro Sanchezen balizko inbestidura bat ahalbideratuko lukeen akordioa ia prest dute PSOEk eta ERCk. Sozialistek prozedura urtea amaitu baino lehen abiatu nahiko lukete, inbestidura Erregeak baino lehen izan dadin. Egutegi horren arabera, behin betiko bozketa urtarrilaren 5ean izango litzateke. Nolanahi ere, ERCk ez ditu epeak azkartu nahi eta aurreratu du Batzorde Nazionala —akordioa onartu behar duen alderdi barruko erakundea— ez dela urtea amaitu baino lehen bilduko. Bi alderdiek abendu erdialdetik etenda zeuden negoziazioak berrartu zituzten ostiralean.
Hain justu, asteburuan izandako hartu-eman horietan Estatuko Abokatutzak Junquerasen immunitateari buruz gaur aurkeztu behar duen txostenaren ildo nagusiak jaso ditu ERCk, hedabide batzuen arabera. Iturrion arabera, errepublikanoek begi onez hartu dute Abokatutzaren jarrera, eta beraz, ordu gutxiko kontua izango litzateke inbestidurarako akordioa.
Estatuko Abokatutzaren txosten horrez gain bada negoziazioei eragiten dien beste afera bat: Hauteskunde Batzorde Orokorrak Oriol Junquerasen eta, batez ere, Quim Torra Generalitateko presidentearen immunitateaz ostiralean esango duena. Bigarren horri urte eta erdiko inhablitazioa ezarri zion Kataluniako Auzitegi Nagusiak lazo horien auzian. Torraren gaitasungabetzeak JxCat eta ERC alderdien arteko harremanetan izango luke eragina, hauteskunde berriak egin arte Generalitatea nork zuzendu beharko lukeen erabaki beharko litzatekeelako. Horrek, bada, ERCren eta PSOEren arteko negoziazioak zailduko lituzke.
Bien bitartean, ERCk arratsaldean bilduko du zuzendaritza. Iturri errepublikanoek nabarmendu dutenez, sozialistek egindako proposamena aztertuko dute eta aurreratu dute alderdiaren Batzorde Nazionala ez dela urtea amaitu baino lehen bilduko. "Batzorde Nazionalaren bilera hori ezinbestekoa da balizko akordio hori lortzeko", erantsi dute.
Negoziazio horien aurrean, akordioa oztopatzeko estrategiari heldu diote PPk eta Ciudadanosek, eta sozialistak zatitu nahian, presionatzen ari dira. Presioa hain da handia ezen Estatuko abokatuen elkarteak "esku-sartze edo presio" saiakera oro errefusatu ditu, eta bereziki, bere jarduna baldintzatu dezakeen "mehatxu oro". Izan ere, Estatuko Abokatutzaren txostena erabakigarria izan daiteke inbestidurarako.
Presioak baztertu ditu Estatuko abokatuen elkarteak
Elkartearen Zuzendaritza Kontseiluak ohar labur bat egin zuen publiko atzo, "azken aldian argitaratu diren informazioei" erantzunez. Zuzenean aipatzen ez badu ere, Estatuko Abokatutzak Oriol Junquerasi buruz egindako txostenak Pedro Sanchezen inbestidurarako PSOEren eta ERCren arteko negoziazioetan izan dezakeen eraginari buruz ari direla uler daiteke.
Egoera horren aurrean, Fernando Bertran Giron buru duen elkartea "edozein presio, esku-hartze edo mehatxu"ren aurka agertu da.
"Estatuaren abokatuok irizpide tekniko-juridikoei zorrotz lotuta jokatu behar dugu gure idazki prozesaletan eta txostenetan. Zuzenbideko profesionalak gara, eta oposizio bidezko zerbitzari publikoak. Legeari eta Zuzenbideari men egitea bermatzen dugu 1881etik. Hori da batzen gaituena" dio oharrak.
Bideoa: CDRen bilkura ERCren egoitzan, PSOErekin lortu dezaken akordioaren aurka
Albiste gehiago politika
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.