PSOEk eta PPk Guaido elkarrekin hartu dute, baina Casadok Abalosen dimisioa eskatu du
Jose Luis Abalos Garraio ministroa "berehala kargutik kentzeko" eskatu dio Pablo Casado PPko presidenteak Pedro Sanchez Espainiako gobernuburuari, Delcy Rodriguez Venezuelako presidenteordearekin Barajaseko aireportuan izandako bileraren inguruan "sei aldiz gezurretan" aritzea egotzita.
"Abalosek bi egun daramatza espainiarrei gezurretan. Gaur seigarren gezurraren berri izan dugu eta oraindik ez dakigu Barajasen zer gertatu zen", ziurtatu du Casadok, Juan Guaido Venezuelako oposizioaren buruzagiarekin Madrilen bildu ondoren.
Casado eta Hector Gomez PSOEko zuzendaritzaren Nazioarteko Harremanetarako idazkaria elkarrekin joan dira Casa Americara, Guaidori ongietorria egiteko.
PPko buruzagiak Abalos kritikatu du, inork ez duela kargutik kenduko esateagatik. Casadoren hitzetan, Nicolas Maduroren bigarrenarekin izandako bilerak "lau ministrori eragiten die dagoeneko": Pablo Iglesias, Fernando Grande-Marlaska, Arancha Gonzalez Laya eta Abalos berari.
"Sanchezek Abalos berehala kargutik kentzen ez baldin badu, gaia Parlamentura eta Europara eramango dugu", adierazi du Casadok. Sanchezek Guaido hartu ez izana deitoratu du PPko buruzagiak, besteak beste, Frantzia, Alemania eta AEBetako presidenteekin bildu denean.
Pablo Casado PPko presidentea eta Juan Guaido, bere burua Venezuelako presidente izendatu zuen oposizioko buruzagia. Argazkia: EFE
Bestalde, Jose Luis Rodriguez Zapateroren Gobernuan Venezuelako enbaxadoreak jaso zituen 25 milioien "berri berehala" emateko eskatu dio Casadok Sanchezi, "aldi berean korbeten salmenta egin zelako".
Azkenik, "Venezuelako demokratekin edo justiziaren aurrean bere krimenengatik erantzun beharko duen Nicolas Maduro tiranoarekin dagoen" erabakitzeko eskatu dio PPko buruzagiak Sanchezi.
Bestalde, Abalosek Barajaseko aireportuan Delcy Rodriguez Venezuelako presidentearekin izandako bilera "ustekabekoa" izan zela esan du Arancha Gonzalez Laya Atzerri ministroak. Zentzu horretan, "polemika antzuei" garrantzia kendu die Gonzalez Layak.
Amerikako Estatu Batuek bileragatik protesta egin izanaren berririk ez duela erantsi du Atzerri ministroak.
Gonzalez Layaren ahotan, Espainiak Venezuelan egin beharreko ekarpena "hauteskunde aske, garden eta demokratikoak egiten laguntzea da, Venezuelako herriak etorkizunean nola gobernatu nahi den erabaki dezan".
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.