Gehiengo osoa lortuko luke EAJk eta PSE-EEk osatutako koalizioak
Euzko Alderdi Jeltzaleak apirilaren 5eko hauteskundeak irabaziko lituzke, eta EH Bildu eta PSE-EE bigarren eta hirugarren indarrak izango lirateke, hurrenez hurren. Hala dio hamazazpigarren EiTB Focusek; izan ere, EiTB Taldeko makroinkestak apirilean egitekoak diren hauteskunde autonomikoez galdetu die herritarrei.
Iñigo Urkullu lehendakariak hauteskundeak aste honetan deitu ostean boto-asmoaren gaineko informazioa argitaratzen duen lehen inkesta da hamazazpigarren EiTB Focus hau.
Inkestak emandako datuen arabera, EAJk berriro irabaziko lituzke EAEko hauteskundeak, 31-32 aulki lortuta. Lau ordezkari gehiago lortuko lituzke, eta, hortaz, EAJk eta PSE-EEk osatutako koalizioak gehiengo osoa izango luke. PSE-EEk ere gora egingo luke: 11-12 legebiltzarkide erdietsita, 2016ko hauteskundeetan baino 2-3 ordezkari gehiago izango lituzke. Bigarren indar politikoa EH Bildu izango litzateke, berriro ere: 17-19 legebiltzarkide lortuko lituzke. Elkarrekin Podemosek, aldiz, behera egingo luke; laugarren indarra izango litzateke (2016an hirugarrena izan zen), eta 8-9 aulki eskuratuko lituzke. PPk ere egingo luke behera, 3-4 legebiltzarkide galduta, eta Voxek eta Ciudadanosek ez lukete ordezkaritzarik izango Legebiltzarrean.
Jeltzaleek hiru lurralde historikoetan irabaziko lukete
Araban izango luke EAJk gorakadarik nabarmenena. Urkulluren hautagaitzak sei puntu egingo luke gora bertan, eta 1-2 aulki gehiago lortuko lituzke. EH Bildu bigarren indar politikoa izango litzateke orain (2016an hirugarrena izan zen), hiru puntuko igoera erdietsita, eta baliteke aulki bat gehiago lortzea. PSE-EE hirugarren indarra izango litzateke, bi puntuko gorakada eta aulki bat gehiago erdietsita. PP laugarren tokira jausiko litzateke: sei puntu eta bi legebiltzarkide galduko lituzke. Elkarrekin Podemosek lau puntu egingo luke behera, eta ordezkari bat galduko luke.
Bizkaian, EAJk 2016ko emaitzak sendotuko lituzke, beste legebiltzarkide bat gehiago lortuta (12.a izango litzateke). EH Bildu izango litzateke bigarren indarra, eta egungo bost ordezkariei eutsiko lieke. PSE-EE kokatuko litzateke hirugarren tokian, eta baliteke aulki bat gehiago izatea. Elkarrekin Podemos laugarren tokira jaitsiko litzateke, ordezkari bat galduta, eta baliteke PPk aulki bat galtzea (PSE-EEk lortuko luke PPk galduko lukeen hori).
Gipuzkoan, EAJk lau puntu egingo luke gora, eta 10 legebiltzarkide eskuratuko lituzke. EH Bilduk puntu bat galduko luke, eta ordezkari bat gal lezake. PSE-EE kokatuko litzateke hirugarren tokian, lau aulki erdietsita. Elkarrekin Podemos laugarren indarra izango litzateke (baliteke ordezkari bat galtzea), eta PPk, Borja Semper gabe, ordezkari bat lortuko luke.
Parte-hartzeak hamar puntu egingo luke gora, 2016ko hauteskundeekin alderatuta. Inkestaren arabera, parte-hartzea % 70ekoa izango litzateke.
Bestalde, Iñigo Urkulluk lortu du baloraziorik altuena, herritarrek 6,3ko nota jarri baitiote. Maddalen Iriartek ere gainditu du proba, 5,7ko notarekin. Idoia Mendiari 4,7ko nota jarri diote herritarrek. Elkarrekin Podemoseko lehendakarigaia izateko aurkeztutako lehen hautagaiak, Rosa Martinezek, 4,4koa jaso du (koalizio ezkertiarraren bigarren hautagaiak, Miren Gorrotxategik, ez zuen oraindik aurkeztu hautagaitza inkesta egin zenean). Azkenik, Alfonso Alonsok du notarik baxuena: 2,2koa jarri diote herritarrek inkestan.
Fitxa teknikoa
EAEn bizi diren 1.200 pertsona (Araban 400; Bizkaian 400; Gipuzkoan 400).
La= ±% 2,83, konfiantza-maila % 95, p=q=0´5, EAEko datuetarako.
Lurralde, udalerri, sexu eta adinaren arabera geruzatutako zorizko lagina.
Inkesten % 24,7 euskaraz egin dira, eta gainerako % 75,3, gaztelaniaz.
Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko urtarrilaren 31 eta otsailaren 4a bitartean egin zuten telefonoz elkarrizketak eginez. Galdeketen batez besteko iraupena 5,72koa izan zen: motzenak 4 minutu iraun zuen, eta luzeenak, 12 minutu.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.