Alderdiekin hitz ez egiteagatik akordiorik ez lortzea leporatu dio Iriartek Urkulluri
Maddalen Iriarte Legebiltzarreko EH Bilduko bozeramailea "akordioetatik ihes egitea" leporatu dio Iñigo Urkullu lehendakariari, "ezberdinak direnekin hitz egitea gustatzen ez zaiolako".
Iriartek telemakoki emandako prentsaurrekoan esan du EH Bildu "kezkatuta" dagoela ez duelako "batere argi ikusten Jaurlaritzak nora zuzendu nahi dituen politika publikoak".
"Ondorio latzak ekar ditzakeen salbuespen egoera bizi dugu, eta, bitartean, bada milaka pertsonaren bizitzarekin jolasean ari denik, eta ez dakigu zein helbururekin", azpimarratu du.
Iriarte haserre agertu da eusko Legebiltzarreko Diputazio Iraunkorrean EH Bilduk autonomoei laguntzeko egindako proposamenak eztabaidatzen ziren bitartean, Urkullu hedabideen aurrean agertu zelako autonomoentzat eta enpresa txikientzat 30 milioiko laguntza berria iragartzeko.
"Gure proposamenak atzera botatzea gehiago ala gutxiago gustatu ahal zaigu, baina guretzat onargarria ez dena jarrera da, erabakiak batera hartu behar ditugu, akordioak bilatuz eta guztion ongizatea lortzeko, ez eliteena bakarrik", azaldu du Iriartek.
30 milioi euroak "nahikoa ez direla" adierazi ostean, laguntza hori "zergatik" erabaki duten galdetu du EH Bilduko ordezkariak, "Nafarroan, 650.000 biztanlerekin,hau da, EAEn baino bost aldiz populazio txikiagoarekin, laguntzak 40 milioikoak direnean".
Alderdien mahaia
Maddalen Iriartek gogora ekarri du EH Bilduk behin era berriro eskatu duela mahai bat eratzea erakundeekin, alderdiekin, eragile ekonomiko eta sozialekin eta bestelako erakundeekin COVID-19ari aurre egiteko erabakiak adosteko. Proposamen hori ez diote zuzenean lehendakariari helarazi.
"Lehendakariak ez dit deitu. Berarekin azken aldiz hauteskundeak atzeratu egin zirenean hitz egin nuen, eta EH Bilduk pandemiari aurre egiteko sortutako plana eman nion, baina ez dut erantzunik jaso", gaineratu du ezker abertzaleko kideak.
Apirilaren 26tik aurrera adingabeek eta beharrizan bereziak dituzten kolektiboek kalera atera ahal izateko Urkulluk egindako eskaerari dagokionez, Iriartek esan du "lehenengo eta behin txosten zientifiko argiak" izan behar dituztela pauso hori eman ahal izateko.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.