Urkulluk COVID-19aren berri emango dio gaur Eusko Legebiltzarrari, aurrez aurre
Iñigo Urkullu lehendakariak agerraldi presentziala egingo du Legebiltzarreko Diputazio Iraunkorrean gaur (apirilak 24), koronabirusaren pandemiaren aurrean hartutako neurrien berri emateko. Jarraitu agerraldi osoa zuzenean, eitb.eus atarian.
Hala erabaki du astearte honetan Legebiltzarreko Mahaiak, Jaurlaritzako iturriek EFE Agentziari baieztatu diotenez. Bileran, ostiralean EH Bilduk egindako legezkoak ez diren bi proposamen eztabaidatzea ere onartu da, koronabirusaren pandemiak saltoki txikietan eta kulturan izan duen eraginari loturikoak.
Urkulluren agerraldia lehendakariak berak eskatu du. 10:00etan hasiko da eta COVID-19ak orain arte utzi dituen ondorioez hitz egingo du, baita Euskadin pandemiari aurre egiteko hartu diren neurriez ere.
Oraingo honetan, Ganbarako Mahaiak lehendakariaren agerraldia modu presentzialean egitea erabaki du. Gainera, Diputazio Iraunkorra osatzen duten ordezkariek (22) botoa beste norbaiten esku uzteko aukera izango dute bertaratu ezin badira, "ezohiko egoeran gaudelako" eta "aurrekaririk ezarri gabe". Horrela, Legebiltzarrak "parte-hartze politikoaren eskubidea" babesten du, baita legebiltzarkideen osasuna ere.
Lehendakariak mintzalarien tribunatik hitz egingo du, eta bozeramaileek euren eserlekuetatik. Botoa beste norbaiten esku utzi nahi duten ordezkariek ostegun arratsaldea baino lehen egin beharko dute eskaera.
Idoia Mendia PSE-EEko idazkari nagusia agerraldi presentzialean egongo dela baieztatu dute alderditik. Mendiak alta jaso du jada koronabirusa gainditu ostean. Txarli Prieto eta Jose Antonio Pastor, aitzitik, ez dira joango, arriskuko taldeen multzoan baitaude, eta boto beste norbaiten esku utziko dute.
Apirilaren 2an, Urkulluk "batzar informatiboa" izan zuen alderdi ezberdinetako bozeramaileekin, Jaurlaritzak hartutako neurrien berri emateko. Hala, ez da legebiltzarkideei azalpenak emango dizkien lehen aldia.
Bestalde, Ganbarako Mahaiak ez du onartu EH Bilduk eskatutako Estefania Beltran de Heredia Segurtasun kontseilariaren agerraldia. Ertzaintzak Bilboko San Frantzisko auzoan bizilagun batzuei martxoaren 29ko gertakaria grabatu eta zabaltzeagatik jarritako isunak azaltzea nahi zuen EH Bilduk. Koalizioak dioenez, "ertzainek buruko gaitza duen gazte bat eta bere ama kolpatu eta atxilotu zituzten". Mahaiak ez du onartu, ez duelako presazko ezta atzeratu ezin daitekeen eztabaidagaitzat jotzen.
BIDEOA: Oposizioko alderdiek mahai bat eskatu diote Urkulluri, krisiari aurre egiteko plana adosteko
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".