Hauteskundeak segurtasunez egiteko baliabideak egongo direla bermatu du Urkulluk
Iñigo Urkullu lehendakariak ziurtatu egin du Euskadin “prebentziorako baliabide nahikoak” daudela apirilaren 5ean koronabirusaren ondorioz atzeratutako hauteskundeak uztailean egiteko.
Urkulluk Legebiltzarreko Diputazioa Iraunkorrean hitz egin du Jaurlaritzak koronabirusaren pandemiaren aurrean hartutakoa azken erabakiak azaltzeko, administrazioak buru belarri deseskalatze prozesuan sartzear daudenean.
Lehendakariak bigarrenez hitz egin du Diputazio Iraunkorraren aurrean. Aurrekoan, apirilaren 24an, hauteskundeak uztailean egitea proposatu zuen. Erabakia datorren astean har dezake euskal alderdiekin batzartu ostean.
Gaurko agerraldian, lehendakariak azpimarratu egin du erantzukizunez jokatu eta “hauteskundeez hitz egiteko garaia dela”, baina eztabaida “elektoralistak” bazter uzteko eskaera ere egin du. Urkulluk adierazi duenez, “zalantzek, zailtasunek eta ziurgabetasunak baldintzatutako egoera bizi dugu, eta horrela inork ezin du ziurtasunik agertu”.
Lehendakariak esan duenez, kontua ez da data baten edo bestearen inguruan eztabaidatzea, “erabakiak erantzukizunez hartzea baizik, informazio guztia kontuan hartuta, beharrezko bermeak edukita eta aurretiaz jokatuta”.
Zentzu horretan, Urkulluk esan du “normalizazio parlamentarioa, instituzionala eta politikoa oinarrizkoa dela gizartearen, ekonomiaren eta enpleguaren errekuperazioari aurre egiteko”. Horri lotuta, “herritarrek edozein jarduera egin eta osasuna eta segurtasuna bermatzeko prebentziozko baliabide nahikoak” daudela ziurtatu du.
“Osasuna eta demokrazia ziurtatzeko bermeak”
“Gizarte osoak boza emateko aukera izateko” gaixotasuna kontrolpean izateko baliabideak eta erkidegoko zein estatuko zerbitzu publikoen funtzionamendua bermatu behar dela azpimarratu du, hauteskunde kanpainan eta hauteskundeen egunean segurtasuna eta babesa gordez, bai herritarren kasuan, eta bai hauteskundeetan lan egin beharko dutenentzat.
“Euskadin egiten diren hauteskundeek berme sanitarioa eta demokratikoa izan beharko dute”, adierazi du lehendakariak, Carolina Darian Lurralde Politikako ministroak “hauteskundeak uztailean kontu eta koordinazio handiz” egin daitezkeela esan eta egunbetera.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.