Espetxe Zuzendaritzak lau euskal preso hurbilduko ditu
Espainiako Espetxe Zuzendaritzako Idazkaritza Nagusiak lau euskal preso Logroño, Valladolid, Soria eta Aranjuezko (Madril) espetxeetara aldatzea adostu du, zigorra betetzen ari diren presondegietako tratamendu batzordeek hala proposatu eta gero.
Lekualdaketok COVID-19ak nahasitako mugikortasun baldintzak eta egoera sanitarioak ahalbidetzen dutenean egingo dituzte, Espetxe Zuzendaritzak zehaztu duenez.
Presootako bat Balbino Saez Olarra da, eta Valentziako kartzelatik Valladolidekora eramango dute.
Saez Olarra 2010eko ekainaren 22an sartu zen kartzelara eta 20 urteko zigorra du atentatua egin eta talde armatu kide izateagatik, 2024ko urrian beteko ditu zigorraren hiru laurdenak eta tratamendu batzordeak lehen mailako sailkapenari Espetxeetako Araudiaren 100.2 artikulua ezarri eta bere familiartetik hurbilago dagoen kartzela batera aldatzea proposatu du.
Beste presoetako bat, Asier Mardones Esteban, Alacantetik Logroñora mugituko dute.
Mardones 2004ko uztailaren 29an kartzelatu zuten, eta 35 urteko zigorra betetzen ari da lesioak, elkartze ez-zilegia eta kalte eta kalte handiak egiteagatik eta dokumentu publikoak faltsutzeagatik.
2023ko apirilean beteko ditu zigorraren hiru laurden, eta kartzelako tratamendu batzordeak bigarren gradura pasatzea eta familiartetik gertuago dagoen zentro batera aldatzea proposatu du.
Asier Rodriguez Lopez Soriako kartzelara gerturatuko dute Alboloteko (Granada) espetxetik.
2010eko urriaren 22an sartu zen espetxean, eta 20 urteko zigorra du hilketa saiakeragatik. 2025eko urrian beteko ditu zigorraren hiru laurdenak.
Azkenik, Julian Atxurra Egurrola Puerto I (Kadiz) kartzelatik Madrid VI Aranjuezeko kartzelara aldatuko dute.
2013ko azaroaren 28an sartu zen kartzelara Atxurra, eta 30 urteko zigorra betetzen ari da bahiketa, hilketa, armak gordetzea, atentatua, homizidioa eta legez kanpoko atxikipena egiteagatik.
Albiste gehiago politika
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.