Jaurlaritzak astelehenean erabakiko du alarma egoera bertan behera utzi edo ez

Arantxa Tapia Eusko Jaurlaritzako Ekonomiaren Garapen eta Azpiegitura sailburuak adierazi duenez, Eusko Jaurlaritzak astelehenean, ekainaren 15ean, erabakiko du alarma egoera bertan behera utzi eta Euskadi normaltasun berrira igaroko den edo ekainaren 21era arte "oraindik" 3 fasean jarraituko duen.

Nekane Murga Osasun sailburuarekin batera egindako agerraldi batean, koronabirusaren pandemiaren bilakaerari buruzko informazioa eskaini dute. Tapiak adierazi duenez, Euskal Autonomia Erkidegoko 3 faseko "aste oso bateko" datuen jarraipena egin ostean hartuko da erabakia.

"Ez dugu inolako presarik, fase bakoitza 15 egun dira, eta ez dugu erabakirik hartuko osasun datuak kontuan hartu gabe", berretsi du.

Haren arabera, beharrezkoa da "trantsizioa urrats irmoekin eta modu egokian egitea". "Hirugarren fasean aurreikusitako erritmoan goaz aurrera. Orain arte, gure asmoa ez da egin ezin genuenaren arabera korrika egin edo nahitaez eboluzionatu, are gutxiago egungo agertokia kontuan hartuta", azaldu du.

Lurraldeen arteko mugikortasuna zabaltzeak eta gizarte-arloko murrizketa batzuk biguntzeak 3 faseko aste oso baten bilakaera aztertzera eraman du Eusko Jaurlaritza, alarma-egoera bertan behera utziko duen ala ez erabakitzeko. Erabaki hori astelehenean hartuko du, "osasun-datuak kontuan hartuta".

"Zaintza eta kontrol fase horretan jarraitzen dugu. Birusa gure artean bizi da, eta hori egiaztatzen ari gara. Ez da desagertu. 'Normaltasun berrian' birus horrekin bizitzen ikasi beharko dugu. Kasuak antzeman ditugu eta ezin gara erlaxatu", adierazi du sailburuak, baina Euskadi "ez dago hasierako egoeran", hau da, ez dago 0 fasean.

Ildo horretan, Basurtuko eta Txagorritxuko berragertzeak "oso lokalizatuta, oso identifikatuta eta oso kontrolatuta" daudela azaldu du, eta "adi egoteari utzi gabe" jarraitu behar dugula nabarmendu du; beraz, "diziplinatuak izaten jarraitu behar dugu" nabarmendu du.

Kantabriak ez du EAErekiko mugikortasuna berrirekiko astelehenean

Pablo Zuloaga Kantabriako Gobernuko presidenteorde eta bozeramaileak gobernu kontseiluaren ondoren iragarri duenez, ez dute Euskal Autonomia Erkidegoarekiko errepide bidezko joan-etorria ekainaren 15era aurreratuko.

Miguel Angel Revilla Kantabriako presidenteak azaldu duenez, lurralde horretako Osasun Departamentuaren txosten batean oinarritu dute erabakia, EAEn izandako birusaren berragerpenen aurrean errepideak ez irekitzea gomendatzen baitu. Revillak, gainera, Urkulluri erabakiaren berri eman diola gaineratu du. 

Eusko Jaurlaritzak Kantabriarekiko lotura ekainaren 15era aurreratzeko asmoa zuela iragarri zuen Josu Erkoreka berorren bozeramaileak, baina Kantabriako Gobernuak esan du hori ez dela gertatuko gutxienez ekainaren 22ra arte.

Nafarroa eta EAE artean ez da mugikortasunik izango ekainaren 22ra arte

Euskal Autonomia Erkidegoko eta Nafarroako herritarren arteko mugikortasuna ez da gauzatuko deseskalatzearen 3 fasea amaitu arte, eta ez datorren astelehenean, lehendakariak proposatu bezala, Maria Chivite Foru Gobernuko presidenteak Iñigo Urkulluri jakinarazi dionez.

Eusko Jaurlaritzako Lehendakaritzako iturriek baieztatu dutenez, Nafarroako presidenteak lehendakariari jakinarazi dio bere eta Nafarroako Gobernuaren asmoa dela 3 fasearen amaierara arte itxarotea alarma-egoera altxatzeko, eta jarrera hori, "jakina, Euskadik errespetatu du".