Kantabria eta EAE arteko mugak itxita jarraituko du astelehenetik aurrera
Pablo Zuloaga Kantabriako Gobernuko presidenteorde eta bozeramaileak gobernu kontseiluaren ondoren iragarri duenez, ez dute Euskal Autonomia Erkidegoarekiko errepide bidezko joan-etorria ekainaren 15era aurreratuko.
Miguel Angel Revilla Kantabriako presidenteak azaldu duenez, lurralde horretako Osasun Departamentuaren txosten batean oinarritu dute erabakia, Basurtuko eta Txagorritxuko ospitaleetan izandako berragerpenen aurrean errepideak ez irekitzea gomendatzen baitu. Revillak, gainera, Urkulluri erabakiaren berri eman diola gaineratu du.
Eusko Jaurlaritzak Kantabriarekiko lotura ekainaren 15era aurreratzeko asmoa zuela iragarri zuen Josu Erkoreka berorren bozeramaileak, baina Kantabriako Gobernuak esan du hori ez dela gertatuko gutxienez ekainaren 22ra arte.
Atzo bertan, Maria Chivite Nafarroako presidenteak ere Iñigo Urkullu EAEko bere kideari esan zion Nafarroak 3 fasea bukatu arte, ekainaren 22ra arte, itxarongo duela alarma egoera altxatzeko. Gaur, ostegunarekin, gainera, Nafarroko Parlamantuko talde guztiek Navarra Sumak izan ezik babestu dute erabaki hori.
Tapiak uste du azkarregi izango litzatekeela
Arantxa Tapia Garapen Ekonomikorako eta Azpiegituretarako sailburuak uste du “azkarregi” izango litzatekeela beste erkidego batzuekiko mugikortasunean aurrera egiteko 3 faseko lehenengo asteko datuak eduki gabe. Horregatik, “zuhur” jokatzeko deia egin du.
Sailburuak azaldu duenez, Iñigo Urkullu lehendakariak harremanak izan ditu egunotan Revillarekin eta Maria Chiviterekin.
“Guztiok ari gara gutxienez astebeteko ebaluzioa aztertzen, eta uste dut azkarregi izango litzatekeela aurrera egitea, aste honetako datuak eduki gabe. Zuhurtziaz jokatu nahi dugu denok”, adierazi du.
Nafarroa, zuhur
“Zuhurtzia”ren irizpidea ezarri omen du Nafarroako Gobernuak auzo erkidegoekiko mugikortasuna berehala ez irekitzeko, eta “ez besteei begira, baizik eta gure buruari begira”, azaldu du Maria Chivite Foru Gobernuko presidenteak.
Parlamentuan egin duten osoko bilkuran alderdiei erantzunez azaldu duenez, “zuhurtzia eta osasun aholkuak” dira eta izango dira deseskalatzean akordio berriak egiteko irizpideak, Foru erkidegora egokituak beti ere.
Esan du “errespetatzen” duela beste erkidego batzuen jokabidea, EAErena tartean, erkidegoen arteko mugikortasunaren alde daudenena, baina ohartarazi du “bakoitzak bere testuingurua, datuak eta irizpideak” dituela.
Dena dela, aitortu du kasu batzuetan mugikortasun hori ematen ari dela, lan kontuengatik eta arrazoi sozioekonomikoengatik batik bat, baina gainerako kasuetarako alarma egoera altxatu beharra dagoela, eta ez zutela hori egoki jotzen.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.