Leioako errepideko lubakia estaltzeko lanak 2023an hasiko dira
Bizkaiko Foru Aldundiaren kalkuluen arabera, 2023an hasiko dira Leioako herrigunetik igarotzen den errepide zatiaren lubakia estaltzeko lanak.
Bizkaiko Batzar Nagusietan egindako agerraldian, Azpiegitura eta Lurralde Garapenerako foru diputatuak, Imanol Pradalesek, jakinarazi du Artatzako biribilgunearen inguruan trafikoaren arintasuna eta bide-segurtasuna hobetzeko egiten ari diren obra txikiez gain, bere saila lanean ari dela errepide horri "epe luzerako" irtenbidea emateko, egunean 130.000 ibilgailu igarotzen baitira bertatik.
Lanen lehen fasea martxoan amaitu zen, erdialdeko erreietatik bidearen edukiera handitzeko, alboetako bideak murriztuz. Une honetan, Artatzako biribilgunearen ondoan beste fase bat egiten ari dira, abuztuan amaituko dena. Bi fase horiek 1.126.000 euroko inbertsioa behar izan dute.
Gainera, foru diputatuak azaldu duenez, Aldundiak zabalik du proiektua idazteko lizitazioa, bide horren lubakia erabat estaltzeko, herrigunearen erdian oztopo fisikoa baita, eta, horrela, Leioako bizilagunek jasaten duten kutsadura akustikoa eta atmosferikoa murriztu egingo baita.
Proiektua idazteko lanetarako 1,9 milioi euro bideratu dira, eta urrian esleitzea eta lanak 24 hilabeteko epean egitea aurreikusten da, plan horrek Batzar Nagusien onespena eta aurrekontu-partida nahikoa lortu ondoren; beraz, 2023an has liteke esku-hartze horren lehen fasea.
Proiektu horren bidez, dagoeneko estalita dauden errepide-zatiak beste 80 metro linealekin lotuko dituzte, eta Aldundiak Udalaren eta auzo-plataformen ekarpenak eta kexak aintzat hartuko ditu.
Oposizioko taldeetatik, PPk Leioako bizilagunen kexak azaldu ditu, obren zaratengatik eta trafiko handiagoagatik, eta Padralesek esan du asfaltatzea hobetzeak egoera hori hobetuko duela eta Udalak hesi bat jarriko duela zarata murrizteko.
EH Bildu eta Elkarrekin Podemosen esanetan, lan horien ordez, Aldundiak kalitatezko garraio publikoa hobetu beharko luke ibilgailu pribatuen zirkulazioa murrizteko, eta ez errepidea estaltzearen alde.
Albiste gehiago politika
Santos Cerdanen enpresako administratzaile Antxon Alonsok uztailaren 22an Senatuan agerraldia egitea eskatu du PPk
Popularren arabera, enpresari gipuzkoarra "ustelkeria sareko gakoetako bat izan da" politikarekin duen loturagatik, "Cerdanen enpresako administratzaileaz gain, Sanchezek aurkeztu zuen zentsura-mozioaren lorlea baita".
Rebeca Torro, PSOEko Antolakuntza idazkari berria
Santos Cerdan ordezkatuko du alderdiko hirugarren kargu garrantzitsuenean, alderdiak jakitera eman dutenez. Halaber, Sanchezek alderdiaren Erakundearen hiru ondoko izendatu ditu, bi gizon eta emakume bat.
PPk eta PSOEk asteburu erabakigarria izango dute 'Cerdan auziaren' krisiaren ostean
Ostiral honetan, PPk Feijoo lider gisa sendotzeko kongresua abiatuko du Madrilen. PSOEren Batzorde Federala, berriz, ‘Cerdan auziaren’ eragin handiak markatutako testuinguruan egin da.
Albiste izango dira: PPren kongresua eta PSOEren batzorde federala, Gasteizko lorezainen greba eta Independence Day
Gaurkoan albiste izango direnen laburpena, bi hitzetan.
'Begoña Gomez auzia'-n Gorenak Bolaños ikertzearen aurka agertu da Fiskaltza
Juan Carlos Peinado epaileak Felix Bolaños Presidentzia, Justizia eta Gorteekiko Harremanetarako ministroa ikertzea eskatu zuen, lekukotza faltsua eta dirua bidegabe erabiltzea egotzita, baina Prieto fiskalak uste du epailearen azalpena ez dagoela behar bezala arrazoituta eta oinarrituta eta Onarpen Aretora bideratu du eskaera.
Santos Cerdanek helegitea aurkeztu du ezarri dioten espetxeratzearen aurka
PSOEko Antolakuntza idazkari ohiak apelazio helegitea aurkeztu du Auzitegi Gorenean, bera ustezko ustelkeria sarean nahasteko froga nahikorik ez dagoela argudiatuta.
EH Bilduko Irati Jimenez izango da Nafarroako esleipen publikoak ikertuko dituen batzordearen burua
Pedro Gonzalez (UPN) izango da presidenteordea, eta Idazkaritza, berriz, Blanca Regulezen (Geroa Bai) ardura izango da.
Otegik onartu du bitan bildu zela Antxon Alonsorekin eta horren bitartez ezagutu zuela Cerdan
Ustez 'Koldo auzia'n nahastutako Alonso enpresari elgoibartarra lagun baten laguna dela adierazi du EH Bilduren idazkari orokorrak, eta horrek bitartekari lanak egin zituela bera eta PSOEren Antolakuntza idazkaria bildu zitezen.
Gasteizko Udalak hiru urtean babestutako 3.000 etxebizitza eraikitzeko plana iragarri du
PSE-EEk eta EAJk osatzen duten Udal Gobernuak Arabako hiriburuko hainbat gune tentsio handiko eremu izendatzeko eskaera onartu duen egun berean jakinarazi du alkateak etxebizitza babestuak eraikitzeko plana.
Estebanek PPri aurpegiratu dio EAJ "zerikusirik ez duen" sare batean "nahastu" nahi izatea
EAJren presidenteak onartu du bi alderdien arteko harremanak ez daudela unerik onenean, batez ere, azken sei hilabeteetan popularrek jeltzaleei egindako "eraso argien" ondoren.