Egibarrek esan du EH Bilduren "helburu bakarra" EAJ Gobernutik kentzea dela
Joseba Egibar EAJko bozeramaileak EH Bildu gogor kritikatzeko baliatu du bere interbentzioa Legebiltzarreko inbestidura saioan.
Eusko Jaurlaritzari eta EAJri kalte egiteko "estrategia suntsitzailea" erabili duela aurpegiratu dio, koronabirusaren pandemiak eragindako krisiak "batasuna eta elkarlanean aritzea eskatzen duenean".
"Ikusezina den zorigaiztoko birus honek bakoitza bere lekuan jarri du eta herri honek Urkullu aukeratu du lehendakari gisa, alde handiarekin gainera", azpimarratu du.
"Ezker abertzaleak beti izan du arazoa herri hau ulertzeko. Nahiago izan du irudikatzen duten herri hori eraikitzea eta ondoren herria bere desiora erakartzea; eta bitartean EAJk herriari entzun dio eta ez da herria aldatzen saiatu", adierazi du.
Egibarren esanetan, EH Bilduk helburu bakarra dauka: EAJ boteretik kentzea. "Eta bide horretan oposiziotik estrategia suntsitzailea egin du", salatu du. "Zuekin edo zuek gabe, herri honek aurrera egingo du. Zuek gabe, zailagoa izango da, baina ez da ezinezkoa", erantsi du.
Halaber, Espainian PSOEk eta Unidas Podemosek osatu duten koalizio-gobernuarekin "elkarlanean ari diren bitartean", Eusko Jaurlaritzarekin jarrera bera ez izatea leporatu dio koalizio soberanistari.
Harago ere joan da Egibar, eta esan du EH Bilduk koronabirusak eragindako larrialdi egoera eta Zaldibarko zabortegiko luizia EAJri "kalte egiteko" erabili dituela.
Alderantziz, Elkarrekin Podemosek eta PPk "oposizio eraikitzailea" egin dutela adierazi du, gai batzuetan akordioetara iristeko "ate bat gutxienez irekita izan dutelako".
Estatu politiko berriari dagokionez, EAJk ez diola ezeri ukorik egin azpimarratu du. Edonola ere, aitortu du "autogobernua herritarren borondatearen arabera eguneratu behar dela".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.