Otsailaren 7an izan litezke Kataluniako hauteskundeak
Quim Torra Kataluniako Gobernuko presidentearen gaitasungabetzea berretsita, epe eta mekanismo parlamentario zenbait jarriko dira abian Katalunian, presidentegai bat izendatze aldera. Hala ere, itxura guztien arabera izapide horiek guztiak inbestidurarako hautagai alternatiborik gabe bukatuko dira eta litekeena da hauteskundeak automatikoki deitzea, agian 2021eko otsailaren 7rako.
Kataluniako Parlamentuko legelariek gaur, astelehenarekin, argitaratutako txosten baten arabera, “Generalitateko presidenteak kargua utzi edo Gobernuko idazkariak hori jakinarazi eta berehala” 10 eguneko epea hasten da Kataluniako ganberako presidenteak, kasu honetan Roger Torrentek, talde parlamentarioetako ordezkariekin bilera segida has dezan, Torra ordezkatzeko hautagairik ba ote dagoen jakiteko.
JxCATek eta ERCk, Parlamentuan gehiengo osoa metatzen duten bi alderdiek, ez dute hautagairik aurkezteko asmorik, baina Ciudadanos aukera hori aztertzen ari da oraindik, nahiz eta, itxuraz, ezingo lukeen presidentetza lortzeko babes nahikorik pilatu.
Torrentek inbestidurarako hautagai bideragarririk ez dagoela ikusitakoan erakundeen blokeoa saihesteko bide bat jaso dute legelariek txostenean: legeari jarraituta inbestidurarako osoko bilkura deitu beharrean, “ekitaldi baliokidea” deitzea, inbestidurarako hautagaitza eraginkorrik ez dagoela iragartzeko.
Horrela, bi hileko atzera kontaketa abiatuko litzateke, eta denbora horretan guztian Torrarentzako ordezkorik egongo ez litzatekeenez, hauteskundeak deituko lituzkete automatikoki, hauteskunde legearen arabera, 54 egunen buruan.
Burujabetasunaren aldeko alderdietatik adierazi dutenez, egutegiari begiratuta, presidentea aldatu behar izatekotan ezarrita dauden epeak kontuan hartuz gero, oso kontuan hartu beharreko data izango da otsailaren 7koa.
Zure interesekoa izan daiteke
Iriarte, zerga turistikoaz: "Berandu iritsi den neurri bat da, dena den aztertuko eta erantzukizunez jokatuko dugu"
EH Bilduren Gipuzkoako bozeramaileak adierazi du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
"Ez gaitezen alarmismoetan erori", esan du Martinezek, eta iraungitako txertoak segurtasunarentzat mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo borraska
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.