Gorenak Torra gaitasungabetu du, desobedientziagatik ezarritako zigorra berretsita
Auzitegi Goreneko Zigor arloko Salak Quim Torra Kataluniako presidentea gaitasungabetu du, Kataluniako Auzitegi Nagusiak desobedientziagatik ezarritako urtebete eta erdiko kartzela zigorra berretsi baitu gaur jakinarazitako epai batean. Kataluniako auzitegiak 2019ko abenduan zigortu zuen Torra, hauteskunde garaian eraikin publikoetatik lazo horiak kentzeko Espainiako Hauteskunde Batzordeak emandako agindua ez betetzeagatik. Orain, Auzitegi Gorenak berretsi egin du zigor hori.
Torrak astelehen arratsaldean jaso du Auzitegi Gorenaren erabakiaren jakinarazpena, eta, beraz, dagoeneko utzi dio Kataluniako Gobernuko presidente izateari.
Kargugabetzea gauzatuta, legealdia aldez aurretik amaituko da Katalunian, eta Parlamentu eta presidente berria aukeratzeko prozedura abiaraziko dute. Litekeena da hauteskundeak otsailean deitzea.
Pere Aragones (ERC) presidenteordeak hartuko du behin-behinean Torraren lekua, baina eskumenak mugatuta izango ditu.
Arratsaldean, Torrak agerraldia egin du Generalitatearen Jauregian, Gobernuko kontseilariak ondoan zituela, eta herritarrei aurrera jarraitzeko deia egin die.
Hauteskundeak independentzia prozesuaren "inflexio-puntu" bilakatzeko eta 2017ko urriaren 1eko erreferendumaren emaitza berretsiko duen "plebiszitutzat" hartzeko eskatu die herritarrei.
"Gu ez gara hautetsontzien beldur; alderantziz, behar den guztietan joango gara bozkatzera. Independentzia nahi dugu. Autodeterminazio eskubidea gauzatu nahi dugu", azpimarratu du.
Horrez gain, bere kontrako ebazpena Estatuaren "mendekua" dela salatu, eta justizia egiteko Europara joko duela iragarri du.
"Estatuko aparatuek Generalitateko presidente bat gaitasungabetzen duten bitartean, ustelkeriaz akusatutako errege bati diktadura batean ezkutatzen laguntzen diote", salatu du.
Bestalde, ehunka manifestari bildu dira Bartzelonako Sant Jaume plazan, presidente kargugabetuari babesa emateko. Agerraldia amaituta, Torra 19:20 inguruan atera da Generalitateko Jauregitik.
Emazteak eta Gobernuko kontseilariek lagunduta, Torrak Kataluniako preso politikoen eta erbesteratuen askatasunaren aldeko pankarta hartu du eskuetan. Hain zuzen ere, lelo hori eta lazo horia zeraman pankarta Generalitateko balkoian jartzeagatik zigortu dute.
(Quim Torra eta haren emaztea, Generalitatearen Jauregitik atera berritan. Argazkia: EFE)
Gorenaren ebazpena
Torra gaitasungabetzeko erabakia aho batez hartu dute Goreneko epaileek. Horien ustez, Kataluniako presidenteak "modu egoskorrean" desobeditu zuen, eta baztertu dute Torraren adierazpen askatasuna ezbaian egon denik. "Presidenteak bere identitate politikoaren araberako adierazpen eta ekintzak egin ditzake, baina ezin du hauteskundeak garbi egiten direla egiaztatzen duen erakunde batek agindutakoaren kontra egin", argudiatu dute.
2019ko abenduaren 19an Kataluniako Auzitegi Nagusiak emandako epaia oso-osorik berretsi du Gorenak. Hala, hark ezarritako gaitasungabetze berezia berretsi dute epaileek: Torra ezingo da kargu publiko batean aritu, ez tokian tokiko erakundeetan, ez autonomikoetan, ez Estatu mailakoetan ezta Europakoetan ere. Horrez gain, orduan ezarritako 30.000 euroko isuna ere berretsi du Gorenak.
Gorenaren arabera, auziaren muinean egon dena "ez da izan aukera politiko jakin baten pankarta edo sinboloak erakustea, baizik eta horiek hauteskundeetan erabiltzea, Hauteskunde Batzorde Nagusiak erabakitakoaren kontra eginez. Batzorde horri dagokio hauteskundeen gardentasuna eta objektibotasuna bermatzea, eta hark debekatu zituen sinboloak, administrazioei dagokien neutraltasun printzipioa urratzen ari zela iritzita".
Irailaren 17an Auzitegi Gorenean egin zuten auzi saioan, Fiskaltzak Torra zigortzearen alde egin zuen; defentsak, berriz, absoluzioa eskatu zuen, Torrak egindakoa "ekintza politiko" bat izan zela argudiatuta.
Milaka lagun atera dira kalera Katalunian
ANC eta Omniun Cultural elkarteek deituta, elkarretaratzeak egin dituzte Kataluniako herri eta hirietako udaletxeen parean eta milaka lagun atera dira kalera Quim Torraren inhabilitazioa salatzeko.
Elisenda Paluzie ANCko presidenteak epaia ez betetzeko eskatu du, desobedientzia zibila eta instituzionala bateragarriak izan behar direla iritzita.
"Presidente gehiago gaitasungabetu ez ditzaten, presidente autonomikoak izateari utzi behar diogu", azpimarratu du Paluziek.
Jordi Cuixart Omnium Culturaleko presidentearen esanetan, "Kataluniako herritarren borondate demokratikoa berriro manipulatzeko aitzakia bat da epaia". Hala, egoerak eskatzen duen erantzuna emateko eskatu die erakundeei eta alderdi politikoei.
BIDEOA | Ehunka lagun izan dira Sant Jaume plazan Quim Torra babesteko
BIDEOA | Torra: "Aurrera egiteko, beharrezkoa da haustura demokratikoa"
BIDEOA | Torraren lekua Pere Aragonès presidenteordeak hartuko du, baina funtzio mugatuekin
BIDEOA | EAJk eta EH Bilduk erabakia gaitzetsi dute eta elkartasuna helarazi diote Torrari
BIDEOA | Espainiako Gobernuak hauteskundeak "lehenbailehen" eskatu ditu Katalunian
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.