Estatutua berritzea eta Euskadiri dagozkion eskumenak lortzea, Jaurlaritzaren asmoak
Aurreko legegintzaldian egindako lana abiapuntu, Gernikako Estatutua berritzeko konpromisoa hartu du Eusko Jaurlaritzak 2020-2024rako prestatu duen gobernu programan. Halaber, autogobernua osatzeko Euskadiri falta zaizkion eskumenak negoziatzeko asmoa erakutsi du.
EAJk eta PSE-EEk osatutako gobernuak asteartean onartu zuen datozen lau urteetarako programa. Osasuna bermatzea, ekonomia eta lana berpiztea eta zerbitzu publikoei eta gizarte politikei eustea dira, hain zuzen ere, plan horren hiru ildo nagusiak.
Autogobernua
Jaurlaritzak nabarmendu du autogobernuaren defentsa eta Euskadiri dagozkion transferentzien eskualdatzea direla Estatutua berritzeko mugarri nagusiak.
Horretarako, beharrezkotzat jo du autogobernuaren taldeak joan den legealdian ezarritako ildoetan oinarritzea, baita indarrean dauden trikimailu politikoez, juridikoez eta instituzionalez baliatzea ere.
Eskumenak
Zentzu horretan, Jaurlaritzak gogora ekarri du oraindik Euskadiri dagozkion 28 transferentzia daudela Espainiako Gobernuaren esku; horien artean, Gizarte Segurantzarena.
Bestalde, presondegien kudeaketarekin lotutako transferentzia ere badu hizpide gobernu programan. Asmoa da "indibidualizazioan, gizatasunean, egindako minaren aitorpenean eta gizarteratzean" oinarritutako espetxe politika garatzea.
Horrekin lotuta, presoak Euskal Herritik gertu dauden kartzeletara gerturatzea defendatu du, betiere elkarrizketa ardatz hartuta eta Espainiako Gobernuaren laguntzarekin.
Giza eskubideen eta elkarbizitzaren aferari dagokionez, "iraganean izandako terrorismoaren eta indarkeriaren memoria kritiko" baten alde egin du.
Osasunaren arloan, Jaurlaritzak azpimarratu du COVID-19aren pandemiak agerian utzi duela osasun sistema indartzeko beharra. Horregatik adostu dute EAJk eta PSE-EEk behargin gehiago kontratatzea eta osasun langileen lana ez burokratizatzea.
COVID-19a
Birusa atzemateko orduan, teknologia berriak iritsiko direla diote gobernu programan. Gainera, lehen arretako zerbitzuek gaur egun baino PCR proba gehiago egingo dituztela jaso dute bertan.
Horrez gain, eri dauden pertsona guztietan jarri nahi dute arreta, bereziki, pandemiaren eraginez osasun probak egiterakoan zailtasunak edo atzerapenak jasan dituzten gaixoetan.
Lana
Euskadin langabezia % 10etik behera jaistea da Jaurlaritzaren erronketako bat. Horrekin batera, helburu du industriak eta zerbitzu aurreratuek barne produktu gordinaren % 40tik gora hartzea.
Garraioa
Euskal Y-aren lanak bukatzea ere badago Eusko Jaurlaritzak legegintzaldi honetarako ezarritako asmoen artean. Irunen, Donostian, Ezkion, Bilbon eta Gasteizen tren geltokiak eraiki nahi dituzte, eta Donostiako metroko obrak amaitzea ere badute helburu.
Zure interesekoa izan daiteke
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete, Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.