"Nafarroa euskal independentismoari saltzea" leporatu dio Esparzak Chiviteri
Aurrekontuak EH Bildurekin adostu ondoren, "Nafarroa euskal independentismoari saltzea" egotzi dio Javier Esparza Navarra Sumako bozeramaile eta UPNko presidenteak Maria Chivite Foru Gobernuko presidente sozialistari.
Oposizioko indar politiko nagusiaren buruzagiak agiri bat argitaratu du koalizioaren webgunean, aurrekontu itunaren berri izan ondoren.
"Bilduk Euskal Herriaren nazio eraikuntzan lanean jarraitzen du, eta orain Chivite eta PSN ditu bidelagun", esan du UPNk, Ciudadanosek eta PPk osatzen duten koalizioko buruzagiak.
"Nahiz eta beste aukera bat izan, nafarren etorkizuna Bilduren estrategiari lotuta jarraitzea erabaki du Chivitek, ikuspegi sozioekonomikotik, elkarbizitza arautu behar duten printzipio etikoen ikuspegitik eta erkidego nortasun ezberdina mantentzeko, Nafarroako etorkizunarentzako txarrena dela jakinda", adierazi du.
"Beste aukerarik ez zuela ezin du esan, bazeukalako", errepikatu du Esparzak. Navarra Sumako bozeramailearen ahotan, Chivitek “Bildu zuritzen jarraitzeko autua egin eta alderdikeria Nafarroako interesen aurretik jarri du". Erabaki "ikaragarri egoista eta arduragabea" da, erantsi duenez.
"Inbestiduraren unetik Chivitek EH Bildurekin itun bat sinatu zuela begi-bistakoa da, eta horrekin PSN filoetarren esku utzi zuen, hasieratik salatu dugun bezala, nahiz eta berak ukatu Espainian zein PSOEko baroien aurrean. Chivitek gezurra esan zuen", adierazi du.
Bestalde, "lehen minututik", Bildu baztertzeko proposamena "eraso" gisa hartu zuen PSNk, "ezker abertzale erradikalaren menpe dagoela argi utziz", kritikatu duenez.
"Aste horietan guztietan aitzakia eta gezur ugari entzun ditugu. Guztia Bildurekin ez hausteko eta Uxue Barkosek (Geroa Bai) Chiviteri markatutako norabideari eusteko", azpimarratu du. “Eskua luzatu genien, eta Chiviteren sozialistak fidatzekoak ez direla egiaztatu dugu berriro”, salatu du.
"Batere lotsarik gabe herritarrei gezurretan ari dira etengabe", Esparzaren arabera. "Chiviteren oilokeria", salatu du UPNko presidenteak, "Navarra Sumak Bilduri jarritako betoa onartzen ez duelako"; bai, ordea, gainerako alderdiek bere koalizioari ezarritakoa eta "Bilduren xantaiak". Esparzaren hitzetan, eskaintza egin ondoren, koalizioa abertzalea "azkar batean atera zen, gure proposamena onartzea izango lukeen kostu politikoaz ohartaraztera".
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.