Hildakoak gogoan, determinazioz "aurrera egiteko" deia egin du Urkulluk
2020an koronabirusaren ondorioz hildakoak gogoratu ditu Iñigo Urkullu lehendakariak eta, determinazioz, Euskal Autonomia Erkidegoak (EAE) krisi hau ere gaindituko duela azpimarratu du.
Lehendakariak Ajuria Enetik herritarrei zuzendutako urte amaierako mezuan ziurtatu duenez, lehentasunak "argi" daude: "osasun sistema indartu, hezkuntza bermatu, ekonomia suspertu, gehien kaltetutako pertsona eta sektoreei lagundu eta enplegua berreskuratu".
Alberto Sololuze eta Joaquin Beltran Zaldibarko luizian hildako langileak eta covid-19aren eraginez EAEn hil diren pertsonak gogoratuz hasi du bere hitzaldia Iñigo Urkulluk
Pandemiari lotuta, lehenik eta behin bere esker ona adierazi die krisi honetan "beren onena" eman duten langileei: osasun langileak, oinarrizko zerbitzuetan lan egin dutenak, langile soziosanitarioak, pertsona nagusiak beraien etxeetan zaintzen dituzten profesionalak eta hezkuntzako langileak. Aldi berean, bere elkartasuna adierazi die pandemiaren eragina jasan duten sektore guztietako profesionalei, autonomoei, langileei, negozioei eta enpresei.
Urkulluk onartu du ez dela erraza izan "ezohiko" erabakiak hartzea: "Une oro pertsonen osasuna eta bizitza lehenesten eta bermatzen saiatu gara, ahal zen heinean jarduera ekonomikoarekin, hezkuntzarekin, kulturalarekin eta sozialarekin uztartuz". Halaber, aurrera begira ere neurriak hartzen eta betetzen jarraitu beharko dela azaldu du.
Huts egin ahal izan dutela onartu du: "Huts egin dugunean, lehenbailehen zuzentzen saiatu gara".
Bestalde, birusak "bizi-bizi" jarraitzen duela eta "oso arriskutsua eta hilgarria" dela nabarmendu du. "Pultsua eta tentsioa mantendu behar ditugu. Ez dugu egindako lan guztia zakarretara bota behar", gehitu du.
2021. urteari begira, erakundeetatik "behar den guztia" egingo dutela hitzeman du "herri hau aurrera ateratzeko". Ildo horretan, "konpromiso partekatuaren" eta erakundeen arteko lankidetzaren eredua defendatu du: "Hemen, Eusko Jaurlaritza, Foru-aldundiak eta Eudel lankidetza eredua garatzen ari gara… Eredu hori eskaintzen diogu Estatuari ere".
Euskadi berde, digital eta inklusiboa aldarrikatu ditu. Horrez gain, herri erronka gisa aipatu ditu demografia, industria adimenduna eta osasun pertsonalizatua.
Amaitzeko, zuhurtziaz eta itxaropenez beteriko mezua zabaldu du: "Urte berriari begira, txertoak leihoa zabaldu dio itxaropenari. Egia da, baina zuhur eta tentuz jokatu behar dugu".
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.