Iriarte: "Jaurlaritza EH Bildu ahultzeko baliatzen ari da aurrekontuak"
Maddalen Iriarte EH Bilduko legebiltzarkideak ostegun honetan adierazi duenez, Eusko Jaurlaritza "EH Bildu ahultzeko" ari da baliatzen aurrekontuak. Koalizioak Legebiltzarrean duen bozeramaileak, Radio Euskadiko 'Boulevard' saioan izandako elkarrizketa batean, salatu du Jaurlaritza "arretaz" ari dela aztertzen Elkarrekin Podemos-IUren proposamena, baina EH Bildu, aldiz, "gutxiesten" ari dela.
"Badirudi ez dutela gurekin ezer nahi", gaitzetsi du Iriartek, Eusko Jaurlaritzak abiatutako aurrekontu-negoziazioen gainean galdetu diotenean: "Jaurlaritzak ikuspegia galdu du. Aurrekontua baliabide tekniko eta politikoa da, herritarren beharrei erantzuna emateko; Gobernuak, aldiz, uste du EH Bildu ahultzeko tresna dela".
Iriarteren esanetan, Jaurlaritza "arretaz" ari da aztertzen Elkarrekin Podemos-IUren proposamena, baina EH Bildurena, aldiz, ez, eta hori "ulertezina" da: "Analisi kuantitatiboa eginez gero, gure proposamena oso antzekoa da; tratua, baina, ez da berdina", esan du. EH Bilduren planteamenduak proposatzen du inbertsio publikoa "handiagoa" izan dadila, eta hori, Iriarteren iritziz, "errealista eta egingarria" da, "sen onekoa".
Legebiltzarkideak galdegin du erreforma fiskal bat egitea; izan ere, hori "ezinbestekotzat" jo du, "krisi hau betikoek ordain ez dezaten. Gehiago duten herritarrek ekarpena egin beharko lukete", nabarmendu du.
"EH Bilduk proposamenak egin ditu, eta Jaurlaritzak, kasu batzuetan, erantzunik ere ez du eman", deitoratu du Iriartek: "Telebistaren bidez izaten dut Jaurlaritzak hartutako neurrien berri; batzuetan, WhatsApp-eko mezu bat jasotzen dut", azaldu du. Jaurlaritza eta EAJ EH Bildu ahultzen saiatzen ari dira, haren esanetan: "Ez dute akordiorik adosteko asmorik".
"Ez dago txertaketarako estrategia argirik, trebatutako langile gehiago behar dira, orain arrapaladan osasun-langileak txertatuko dituzte… gardentasuna behar da", esan du. Iriartek Eusko Jaurlaritza pandemia nola kudeatzen ari den gaitzetsi du: "Hilabeteak eman ditugu birusaren atzetik”." Salatu duenez, gardentasun handiagoa egon beharko litzateke, eta erabakiak zergatik hartzen dituzten azaldu beharko lukete.
Halaber, eskaria egin du Osasun Sailerako inbertsioa handiagoa izan dadila: "Osasun-langileek diotenez, estuegi dabiltza. Egoitzetan, gainera, kontratazio gehiago egin beharko lituzkete, eta behin-behinekotasunari amaiera eman behako liokete". Jaurlaritzak, baina, erabaki du gauzak "bere kabuz" egitea, EH Bilduren ustez, "azken hilabeteotan egin ditugun proposamenei kasurik egin gabe".
Azkenik, EH Bilduk EPPK taldearen barnean dauden presoei egindako bisitei erreparatuta, Iriartek azaldu du helburua dela horien iritziaren berri izatea: "Presoak, bakegintzan eta elkarbizitzan, elementu garrantzitsua dira, biktimak ere direnez".
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.