Azpiazurekin egindako bilera "hankamotz gelditu dela" uste du EH Bilduk
Maddalen Iriarte EH Bilduko bozeramaileak ostiral honetan Pedro Azpiazu Ekonomia eta Ogasun sailburuarekin izandako bilera "hankamotz gelditu dela" esan du, Euskal Autonomia Erkidegoko 2021eko aurrekontuaren inguruan.
Sailburua EH Bilduko legebiltzarkideekin bildu da Bilbon, aurrekontuen proiektua aurkezteko oposizioarekin egin duen lehen bileran. EAJren eta PSE-EEren gobernuak gehiengo absolutua duen arren, eta horrekin aurrekontuen onarpena bermatuta duen arren, beste babesen bat lortu nahi dute.
Oraingoz, EH Bildurekin jarrerak urrun daude: "Bilera atsegina izan da formei dagokienez, baina, edukiari dagokionez, hankamotz gelditu da", laburbildu du Iriartek.
"Azken hilabeteetan Jaurlaritzak ez du beste jarrerarik izan. EH Bildurekin ez da elkarrizketarik izan", azpimarratu du bozeramaileak.
Iriartek salatu duenez, Eusko Jaurlaritzak "behin eta berriz esaten du auzolanean lan egin nahi duela eta gehiengo absolutua handitu nahi duela, eta agertokia zein zen jakin nahi genuen, baina itxaropen handirik gabe atera gara".
Iriarteren arabera, aurkeztutako aurrekontuak "ez du balio" salbuespenezko une honetarako. "Salbuespenezko egoera honetan salbuespenezko erantzunak eman behar dira, eta erantzun horiek planteamendu politiko integral batetik baino ez dira etorriko; EH Bilduk horretan lan egiten du eta planteamendua aurkeztuko du", esan du.
Ez du argitu osoko zuzenketarik aurkeztuko duten ala ez. Oraingoz, "planteamendu integrala" helaraziko diote Jaurlaritzari.
Bileraren ostean, Ekonomia Sailak ohar bat igorri du, eta bertan zehaztu du Azpiazu sailburuak esan duela talde politiko bakoitzak "jarrera hartu eta erabaki behar duela ea euskal herritarren ongizateari eta herrialde honetako garapen ekonomikoari eta enplegua berreskuratzeari babesa ematen dion, aurrekontuari babesa emanez".
Azpiazuren esanetan, aurrekontuak "pandemiak sortutako aparteko beharrei erantzuten die, 770 milioi euroko benetako gastuarekin eta inolako murrizketarik gabe".
EH Bilduk "ariketa politiko integrala" egiteko planteamenduari dagokionez, Azpiazuk gogorarazi du aurrekontuaren negoziazioak "argi eta garbi zehaztutako ekonomia- eta eskumen-esparrua barne hartzen" duela, eta ez dela "aldaketa iraultzailerik eta zenbatezinik" gertatuko.
EH Bilduren "zehaztasun faltaren" aurrean, Azpiazu sailburuak datozen egunetan talde politiko horren proposamena jasotzeko interesa agertu du, planteatzen dituzten gaiak aztertu ahal izateko.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.