Urkulluk, istiluen inguruan: "Ez da jarrera insolidarioen eta indarkeriaren unea"
Iñigo Urkullu lehendakariaren esanetan, "ez da jarrera insolidarioen eta indarkeriaren unea", eta ildo horretan, "herritarren konpromisoa"ri dei egin dio. Asteon, hainbat udalerritan Ertzaintzaren eta Udaltzaingoaren eta zenbait herritarren artean izandako istiluen inguruko balorazioa egin du, horrenbestez, lehendakariak.
Urkullu Sagardui eta Hurtado Osasun eta Turismo sailburuekin batera agertu da prentsaurrekora, gobernu bileraren ondotik. Nabarmendu duenez, "hau ez da arazoak areagotzeko edo larriagotzeko unea. Denon artean irtenbideak bilatzeko unea da. Inoiz ez da, orain bezala, auzolanerako jarrera eraikitzailea hain beharrezkoa izan".
Lehendakariak uste du azken egunetako "irudiek inflexio-puntu baten aurrean" kokatu gaituztela. Horren aurrean, Eusko Jaurlaritzaren "konpromisoa" berretsi du "gertutasunez eta elkarrizketaren bidez konponbideak bilatzeko, proposatzeko eta adosteko".
Urkulluk azaldu du Jaurlaritzako kideek "harriduraz, tristuraz eta suminduraz" hartu dituztela azken egunotan pandemiari aurre egiteko ezarritako neurri murriztaileak ez betetzearen harira izan diren "irudiak, adierazpenak eta egoerak", baita istiluak ere.
"Benetan uste dut ez dela interes pertsonala kolektiboaren gainetik jartzeko unea. Erronka komunitario honen aurrean ezin da pertsonalismoz jardun", erantsi du.
Horri kontrajarriz, "gardentasunez eta zintzotasunez" jokatzeko deia egin du, eta Jaurlaritzak berak ere horrela jardungo duela azpimarratu du.
Azkenik, agerraldiak bukatuta kazetariek egindako galderei erantzunez, lehendakariak aitortu du txertaketan izan diren irregulartasunen aurrean, "pena eta amorrua" sentitzen duela. Itaundu badiote ere, ez du beste argibiderik eman; izan ere, aurreratu du Gotzone Sagardui Osasun sailburuak bihar emango dituela azalpenak Legebiltzarrean.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.