Hondakinen sorrera eta birziklatze-tasak gelditu egin dira EAEn
Euskadiko ingurumenaren egoerak "hobera" egin du, baina zenbait alderditan hobetu egin behar da. Hala jasotzen du Ekonomiaren Garapen, Iraunkortasun eta Ingurumeneko sailburu Arantxa Tapiak gaur aurkeztutako Ingurumenaren egoera Euskadin 2020 txostenak. Ekainaren 5ean ospatuko den Ingurumenaren Egunaren harira aurkeztu da txosten hori Urdaibaiko Ekoetxean, Busturian (Bizkaia), egin den Gobernu Kontseiluan.
Ikerketa horrek ingurugiroaren egoera neurtzeko 11 aldagai hartzen ditu kontuan: ura, airea, klima-aldaketa, zarata, biodibertsitatea, baliabide materialak, hondakinak, lurzorua, ekonomia eta ingurumena, herritarrak eta ingurumena, eta tokiko ingurumena. Oro har, "aurrerapen positiboa" eta "bilakaera ona" atzeman dira, baina horietako hiru aldagaitan "asko" hobetu behar da joera, zehazki, biodibertsitatean, klima-aldaketan eta hondakinetan.
Azken alderdi horri dagokionez, hondakinei buruzkoa, datuek adierazten dute Euskadin egonkortu egin direla, eta ez dela lortzen ez hondakinen sorrera ez birziklatze-tasak jaistea. Hori dela eta, Jaurlaritzak helburu berriak ezarri ditu hamarkada honetarako, hondakinak murriztea eta birziklatzea sustatzeko.
Txostenaren arabera, Euskadiko hondakinen sorreraren eta BPGaren arteko bereizte erlatiboa "jarduera ekonomikoaren 'ekoefizientzia' handiagoaren sintoma" da, eta BPGaren unitate bakoitzeko sortutako hondakinen beherakada dakar; gaur egun 64 kg hondakin sortzen da BPGaren mila euroko. Hala ere, biztanle bakoitzeko elikagaien hondakinen tasak % 13 egin du gora 2014tik.
Euskadin, ekoizpenetik eta kontsumotik eratorritako hondakin guztien, meatzaritzako hondakin nagusiak alde batera utzita, % 52 birziklatzen dira, Europar Batasunean (% 57) baino pixka bat gutxiako.
Horregatik, 2030erako, honako helburua ezarri dute: material zirkularraren erabilera-tasa % 30 handitzea, 2016arekin alderatuta, eta BPGaren unitate bakoitzeko sortutako hondakin-tasa % 30 murriztea, 2016arekin alderatuta.
Kutsatuta egon litezkeen eremuen azterketari dagokionez, % 64 murriztu dira, 2010eko datuekin alderatuta. Tapiak azaldu duenez, 2.000. urtetik 1.031 gune, hots, 1.157 hektareako azalera metatua, berreskuratu dira.
Helburu berri horiek 2020-2030 Ingurumen Esparru Programan jasoko dira. Programa hori prestatze-fasean dago eta Eusko Jaurlaritzak ingurumenaren arloan dituen lehentasunak ezarriko ditu.
Sailburuaren arabera, gaur aurkeztutako txostenak "garrantzi berezia" du, aipatutako programa prestatzen ari direlako, eta, gainera, Trantsizio Energetikoaren eta Klima Aldaketari buruzko Lege Aurreproiektuarekin bat egiten duelako.
Zure interesekoa izan daiteke
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako 'ezkutu sozialaren' errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo 'funts putre' bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".
Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
EAJ "antifaxisten kontrako kriminalizazio kanpaina" egiten ari da, Gazte Koordinadora Sozialistaren aburuz
Euskadi Irratian egindako elkarrizketan Joanex Artola GKSko kideak adierazi duenez, falangistak Gasteizko kaleetan egon izana EAJren "ardura izan zen, eta hori ezkutatzeko estrategiatzat" jo du "antifaxistak kriminalizatzeko kanpaina".