Hondakinen gaikako bilketa % 85era handitu nahi du EAEk, hamar urtean
Eusko Jaurlaritzaren 2030erako Hondakinen Prebentzio eta Kudeaketa Planaren zirriborroak honako helburu hauek aurreikusi ditu, besteak beste, % 30 hondakin gutxiago sortzea eta hondakinen gaikako bilketa % 85era areagotzea. Era horretan, zabortegira hondakin gutxiago bideratzea lortu nahi du.
Arantxa Tapia Eusko Jaurlaritzako Ekonomiaren Garapeneko, Jasangarritasuneko eta Ingurumeneko sailburuak azaldu ditu zirriborroaren gako nagusiak. Aipaturikoez gain, arriskutsuak ez diren hondakinak bigarren mailako baliabide bihurtzea eta zabortegietara doazenak % 15 murriztea ere erdietsi nahi du.
Guztira, 97 milioi euroko inbertsioa egingo du Eusko Jaurlaritzak hamar urtean. Hainbat ekintza jarriko ditu abian, besteak beste, materialen zirkulartasuna lortzeko (produktu berriak ekoizteko berriro erabili ahal izatea), klima aldaketa arintzeko eta "isurtzeko gaitasunaren gabezia konpontzeko".
Hondakinen Prebentzio eta Kudeaketa Planaren zirriborroak aintzatu hartu du Zaldibarko zabortegian izandako luiziaren eta Mutiloako eta Larrabetzuko zabortegien itxieraren ondotik, hamar zabortegi baino ez daudela zabalik Euskal Autonomia Erkidegoan, arriskutsuak ez diren hondakinak (4.000.000 m3 inguru) jasotzeko.
Aurreikuspenen arabera, hamar urtean 6.500.000 metro kubiko hondakin sortuko dira, nahiz eta urtez urte jaisten joatea espero duten: 1,2 milioi 2021ean, 550.000, 2025ean eta 200.000, 2030ean.
2030erako Hondakinen Prebentzio eta Kudeaketa Planaren zirriborroari ekarpenak egin ahalko dizkiote datozen hilabeteetan beste erakunde batzuek ez ezik, sektoreko eragileek eta herritarrek.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.