EH Bildu: "Herri ikuspegiz landutako akordioa behar du hezkuntzak"
Hezkuntza esparruan "sistema aldatzeko nahia" ikusten dela ziurtatu du EH Bilduk, eta Jokin Bildarratz Hezkuntza sailburuak eskatutako hitzarmena adosteko prest azaldu da. "Herri ikuspegiz landutako akordioa behar du hezkuntzak", azpimarratu du koalizioak.
Eusko Jaurlaritzarekin hezkuntza ituna "negoziatzeko eta adosteko borondatea" agertu du koalizioak. EH Bilduren esanetan, akordioa "adostasun politiko eta sozial zabal baten emaitza izan behar da, oinarri sendoekin eraikia, datozen 20 urteetan lan egiteko bidea zabaltzeko". Ondorioz, "parte-hartzea, benetako gobernantza irekia eta lankidetza beharrezkoak dira, prozesuari beharrezko denbora eskainiz", nabarmendu du.
Pello Otxandiano EH Bilduko programa zuzendariak agerraldia egin du Donostian. Datorren larunbatean koalizioak bere Biltzar Politikoa bilduko du Gipuzkoako hiriburuan. "Urteko egitasmo politikoa eta plan feminista" onartzeaz gain, "hezkuntza proposamen berritu" bat eztabaidatzen hasiko da oinarriekin, Mahai Politikoak onartu ostean.
EH Bilduren ahotan, "urte politikoa zarata gehiegirekin hasi da"; horrek "ez du entzuten uzten, eta herri honek dituen erronkei aurre egiteko energia alferrik galtzen da". "Joko horretan ez dugu interesik, gure eginbeharra erronkak identifikatu, pentsatu eta proposamenak eskaintzea da", defendatu du.
Hezkuntza "herriaren erronka handietako bat da", azpimarratu du Otxandianok. Sektoreko langileei "esker on zintzoa" adierazi die, "pandemian zehar onena eman dutelako".
"Epe laburrera hezkuntza sistemak kolokan jar ditzaketen faktoreak daude", ohartarazi du EH Bilduko buruzagiak, hala nola, "jaiotza-tasa, segregazioa eta euskalduntzean gertatzen ari den atzerakada".
Murgiltze eredua
Hizkuntza ereduei dagokionez, dokumentuan proposamen zehatza egiten dutela ziurtatu du: "gai horretan soilik irtenbideak planteatu ez, hezkuntza sistemaren erreforma integrala nahi dugu".
"Murgiltze eredu orokorraren" aldekoak direla ziurtatu du EH Bilduko legebiltzarkideak. "Eztabaida mahai gainean dagoela badakigu, baina D ereduak ez duela nahikoa euskalduntzen agerian geratu dela uste dugu, legeak planteatzen dituen hizkuntza profilak lortzen ez direlako eta euskararekin elkarbizitza arazoa dugulako", kritikatu du.
Azkenik, "egoerari aurrez aurre begiratu behar diogu, eta egiturazko konponbideak planteatu", adierazi du. Hala ere, "hezkuntza sistemaren arazoak asko eta oso desberdinak dira", onartu duenez. EH Bilduk "urrunago doa, egiturazko erreforma sakona planteatzen du esparru ezberdinetan", erantsi du.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.