Mas Paisek eta Compromisek aldeko botoa iragarrita, Espainiako Gobernuak gertuago du lan-erreforma onartzea
Mas Pais-Equo koalizioak eta Compromisek iragarri dute lan-erreforma-ren alde bozkatuko dutela datorren ostegunean Kongresuan egingo den osoko bilkuran. Gauzak horrela, Espainiako Gobernuak babes nahikoa izango luke bere ekimena inolako aldaketarik egin gabe aurrera atertzeko eta, beraz, EAJren, EH Bilduren eta Esquerraren botoak ez lirateke erabakigarriak izango.
PSOEk eta Unidas Podemosek 154 ordezkari dauzkate eta dagoeneko ondoko alderdiek lan-erreforma babestuko dutela iragarri dute: Mas Pais-Equo (2), Compromis (1), Nueva Canarias (1), Kantabriako Alderdi Erregionalista (1) eta Teruel Existe (1).
Halaber, Ciudadanosek (9), UPNk (2) eta Coalicion Canariasek (1) adierazi dute lege-dekretu hori onartzeko prest daudela, testuan aldaketarik egiten ez bada.
Guztira, 172 dira ekimena babesteko prest egongo liratekeen diputatuak eta haiei PDeCATeko lau ordezkariak batzeko aukera egon daiteke oraindik. Beraz, 176 ordezkariek bat eginda, gehiengo absolutua izango lukete Kongresuan.
Bestalde, lan-erreformaren kontra bozkatuko dutela jakinarazi dute Alderdi Popularrak (88), Voxek (52), Juntsek (4) eta Foro Asturiasek (1). Gainera, ERCk (13), EH Bilduk (5), CUPek (2) eta BNGk (1) sarritan adierazi dute ekimenaren aurka agertuko direla, Gobernuak patronalarekin eta CCOO eta UGT sindikatuekin adostu zuen testuan aldaketak egiteko aukerarik ez badago.
Horiek guztiak kontuan hartuta, ezezko botoak 166 izango lirateke; 167, Talde Mistoan dagoen Ciudadanoseko diputatu ohia batuz gero; eta 173, EAJk azkenean kontra bozkatzen baldin badu.
PSOEk ziurtzat ematen du onespena
Bien bitartean, PSOEk ez du baieztatu zeintzuk izan daitezkeen balizko babesak, baina ziur agertu da Kongresuan lan-erreforma onartzeko botoko nahikoa izango direla eta ez du baztertu azken momentuan EAJk eta ERCk ere ekimenarekin bat egitea.
"Uste dugu dekretua onartzeko baldintzak badaudela. Talde parlamentario guztiekin hitz egin dugu eta baikorrak gara bozketari dagokionez", adierazi du Hector Gomez PSOEren bozeramaileak.
Halaber, zehaztu du EAJrekin eta ERCrekin elkarrizketak ez direla amaitu eta "ateak irekita" daudela oraindik.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.