Pilar Garrido: "Oso zaila da Eliza barruan izandako sexu-abusuen ikerketa batzordeari ezetz esatea"
Pilar Garrido Ahal Duguren koordinatzaile nagusi eta Unidas Podemosen diputatua Kongresuan Eliza barruan izandako sexu-abusuak ikertzeko batzordea sortzearen alde agertu da Radio Euskadin: "Oso zaila da ikerketa batzorde honi ezetz esatea".
Garridoren arabera, Diputatuen Kongresuan aurrera egingo duen ikerketa batzordea "aurrerapausoa" da "inpunitatea amaitzeko" eta, "ahal den heinean", biktimen mina eta sufrimendua aitortzeko. Izan ere, "lekukotza lazgarriak" dituzten biktimei entzuteko aukera emango duela azpimarratu du Garridok.
Sexu-abusu horiek oraindik konpondu gabeko arazoak dira Unidas Podemoseko diputatuarentzat. "Ematen du PSOEk eta EAJk alde bozkatuko dutela. Oso zaila da batzorde honi ezetz esatea", esan du.
Delitu horiek ikertuko dituen edozein forori ongietorria eman dio Garridok, baita Fiskaltzak esku-hartzea ere, horiek eskatzen baitituzte biktimek. "Bide judiziala ez dute irekita, eta entzutea nahi dute, gertakizunak argitzea, beren mina erreparatzea eta delitu larri horiek egin zituztenen izenak eta abizenak esatea", esan du.
Ahal Duguren koordinatzaile nagusiak ez du imajinatzen lan-erreformak aurrera ez egitea. "Oso beharrezkoa da. Agian, ez dauka gustatuko litzaigukeen guztia, baina ezerk ez du ekarriko eskubideak murriztea. 50 orrietan eskubideak berreskuratzen dira eta langileentzat baldintza hobeak lortzen dira", esan du.
Erreforma onartzeko, Unidas Podemoseko diputatuak ez du Ciudadanosekin akordioa lortzearen alde egin: "'Ciudadanos plana' alde batera uzten dut. Inbestidurako gehiengoarekin lan egiten ari da".
Garridoren arabera, "ez dago eztabaidarik" hitzarmen autonomikoen lehentasunaren inguruan: "Ez da arazo bat 2017ko lanbidearteko akordioan bermatuta dagoelako". Diputatuak gogorarazi duenez, "guztiek egiten dute lehentasun horren alde, baita patronalak eta gehiengo sindikalak ere".
Hori da EAJrekin akordioa lortzeko oztopo nagusia. "Batzuk lasai gera daitezen eta erreforman euren arrastoa ikus dezaten keinuren bat egotea espero dut", gehitu du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.