Elizan izandako abusuei buruzko ikerketa-batzordeak lehen urratsa gainditu du Kongresuan
Elizaren barruan ustez adingabeei egindako sexu-abusuak ikertzeko batzordeak lehen urratsa gainditu du astearte honetan Kongresuan, PPren eta Voxen aurkako botoarekin: Mahaiak eskaera izapidetzea onartu du, eta, horrela, Bozeramaileen Batzordeak osoko bilkuran eztabaidatzeko data jarriko du.
Unidas Podemosek, ERCk eta EH Bilduk abusuak ikertuko dituen batzorde bat sortzeko proposamena erregistratu zuten. PSOE eta Ciudadanos proiektu hori aztertzeko prest daude, eta PP eta Vox, berriz, aurka daude.
Pablo Casado eta Santiago Abascal buru dituzten alderdiek uste dute Espainiako Gobernuak ezin duela Eliza kontrolatu, eta gai hori Justizia Auzitegietan ebatzi behar dela.
Datorren astean ez denez osoko bilkurarik egingo, otsailaren 13an hauteskunde autonomikoak egingo dituztelako, Elizako gehiegikeriei buruzko batzordearen eztabaida ez da inola ere otsailaren 17a baino lehen egingo, betiere Bozeramaileen Batzordean gehiengoa badago gai-zerrendan sartzeko. Eta PP eta Vox aurka daudenez, PSOEren jarrera funtsezkoa izango da hor.
Osoko Bilkurara iristen bada, bertan erabakiko da sortzea onartzen den ala ez. Ciudadanos prest dago aldeko botoa emateko, baina EAJk (ez da Kongresuko Mahaiko kidea) aurreratu du nahiago duela Espainiako Gobernuak aditu-talde bat osatzea gai hori aztertzeko, eta, ondoren, bere ondorioak Kongresuan aurkeztea. Unidas Podemosen ustez, proposamen hori eta Ganberak bere ikerketa propioa egitea guztiz bateragarriak dira.
Zure interesekoa izan daiteke
Guardia Zibilaren Unitate Zentral Operatiboa PSOEren egoitzan da, Leire Diezi egindako ordainketen inguruko dokumentazio bila
Guardia Zibilaren Unitate Zentral Operatiboko (UCO) agenteak asteazken honetako lehen ordutik daude PSOEren egoitza nagusian, Madrilgo Ferraz kalean; dokumentazio-errekerimendua da egiten ari direna, ez erregistro bat. Leire Diez PSOEko militante ohiari alderdiaren kontrako prozedura judizialak zapuzteko lanengatik ustez egindako ordainketekin lotutako auziari lotuta dago jarduketa.
Epaileak uste du PSOEk Leire Diezi ordainketak egin zizkiola, Cerdanen gidaritzapean
Militante sozialistaren aurka irekita zegoen auzia zabaldu egin du Santiago Pedraz Auzitegi Nazionaleko epaileak, eta PSOEren eta Gobernuaren inguruko kausa judizialak neutralizatzeko eroskeria gertatu ote zen ari da aztertzen orain. Alegia, alderdiaren aldetik dirua jaso ote zuen Diezek horretarako.
PSOEren inguruan ikertzen ari direna larria dela aitortu du Pedro Sanchezek, baina ez ditu hauteskundeak aurreratuko
Espainiako presidenteak Erroman hitz egin du PSOEren inguruan izandako azken gertaeren inguruan. Bere ustez hauteskundeek "paralisia" ekarriko lukete eta horren aurrean "oreka" defendatu du.
Cerdan, PSOEko gerentea eta Zarrias, Leire Diez auzian inputatuta Auzitegi Nazionalak eskatuta
Ikerketak erabaki judizial berriekin egiten du aurrera: kontratu publikoei lotutako eta informazio sentikorra lortzeko ustezko sare bat aztertzen du auziak.
Lehenbailehen hauteskundeak deitzeko eskatu dio Feijook Sanchezi, "egoera agoniko eta patetiko honen aurrean"
Bestalde, Gabriel Rufian ERCk Kongresuan duen bozeramailearen hitzetan, "anomalia izugarria da" alderdi politiko baten egoitza miatzea. "Hauteskunde-kanpaina edo egia den jakin ezinda gaude une honetan", esan du.
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.