Bere kontra modu "krudelean" egin izana egotzi dio Ayusok Casadori
Isabel Diaz Ayuso Madrilgo Erkidegoko presidenteak azaldu duenez, oso mingarria da babestu behar zaituzten alderdiko kideak zu akabatu nahi izatea. Gaineratu du akatsak egingo zituela, "baina ez irregulartasunik".
Zenbait hedabidek argitaratu dutenez, kontratu publiko baten truke egindako komisio batengatik ikertu dute Tomas Diaz Ayuso neba. Testuinguru horretan azalpenak emateko agerraldia egin du ostegun honetan Madrilgo Erkidegoko presidenteak.
Prentsaurrekoan, PPren zuzendaritza nazionalari "modu oso krudelean" jokatu izana leporatu dio, "inongo frogarik gabe" ustelkeria kasuak egotzi dizkiolako, bere familia ere tartean sartuz. "Inork ez du nire aldetik ustelkeria froga bakar bat ere lortuko", adierazi du.
Zenbait argiltapenen arabera, abenduan jakinarazi zioten Madrilgo presidenteari detektibe-agentzia batek Udalaren Etxebizitzako Udal Enpresaren izenean anaia ikertzeko mandatua jaso zuela, kontratu publikoen truke komisioak kobratu zuen egiaztatzeko.
Zehazki, Tomas Diaz Ayusorekin lotutako 1,5 milioiko kontratu bat dago ikerketapean, ustez maskarak erosteko erabili zena. Priviet Sportive SL enpresak diru-kopururik ordaindu ote zion jakin nahi zuten.
Madrilgo presidenteak ziurtatu du azken orduetan Genovako zuzendaritzaren inguruan argitaratu diren adierazpenek "politikaren alderdirik itxusiena" agerian uzten dutela.
Halaber, "erantzukizunak" eskatu ditu, eta Genovari erronka bota dio kontraturen bat egitera norbait behartu duela, "influentzia-trafikoa" egon dela, "kontratu irregular bakarra" izan dela edo bera pertsona "leiala" ez dela frogatzen duenik.
Moncloak Ayusori buruzko informazioa eman izana gezurra dela dio Madrilgo PSOEk
Ayusok azaldu duenez, Pablo Casado PPko buruaren ahotik jakin zuen ustez bere anaiarekin lotutako kontratuaren berri (2020ko apirileko kontratua), pasaden irailean alderdiaren egoeraz eta kongresuaz hitz egiteko Casadoren bulegoan egindako bilera batean.
"Nire harridurarako, ikerketa horren berri bazuela eta legez kanpokoa zela uste zuela erantzun zidan. Txostena Moncloatik filtratu zutela esan zidan ", esan du Madrilgo presidenteak.
Adierazpen horien aurrean, Juan Lobato Madrilgo PSOEko idazkari nagusiak "guztiz" gezurtatu du Moncloatik PPko buruari dokumentuak filtratu izana. Gainera, "erantzukizunak argitu" beharrean Ayusok eta Casadok irailetik kontratazio horiek euren arteko "xantaia joko" gisa erabili dituztela nabarmendu du.
Mas Madrid bihar bertan joango da fiskaltzara
Monica Garcia Mas Madrideko bozeramaileak ostegun honetan aurreratu duenez, "bihar bertan" joango dira Fiskaltzara, detektibe-bulego bati Isabel Diaz Ayusoren neba ikertzea zergatik eskatu zitzaion aztertu dezaten.
Garciak uste du Ayuso "biktima gisa" geratu dela eta onartu egin duela "bere nebak harreman komertzialak zituela enpresarekin, nahiz eta Batzarrean hilabeteak eman dituen hori ukatzen", azaldu du.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.