Casadoren Zuzendaritza Batzordea azkenekoz bilduko da, Feijoori bidea irekitzeko
Alderdi Popularrak gaur onartuko du Alberto Nuñez Feijoo buru izango duen etapa berriari hasiera emango dion ezohiko kongresua egiteko bide-orria. Pablo Casado bere azken Zuzendaritza Batzordearen buru izango da, eguerditik aurrera, Madrilgo hotel batean.
Lehenik, 11:00etan, Batzorde Exekutiboak aurreko asteko dimisioak baieztatuko ditu. Tartean, Teodoro Garcia Egea idazkari nagusiarena eta Andrea Levy eskubide eta berme batzordeko buruarena.
Bilera horretan Cuca Gamarra Kongresuko bozeramailea alderdiaren koordinatzaile izendatuko dute, ezohiko kongresura arte, eta diziplina batzordeko buru bat ere aukeratuko dute. Alderdiko iturrien arabera, "ezin da botere hutsunerik egon" kongresu garaian.
12:00etan Zuzendaritza Batzordeko kideak bilduko dira, 400tik gora. Argi berdea emango diote apirilaren 2 eta 3 artean egingo duten ezohiko batzordea, seguraski Sevillan.
Casadoren azken Zuzendaritza Batzordea izango da. Bertan hitzaldi bat emateko aukera izango du, behin baroiekin hitzartuta ez duela berriro bere burua aurkezteko PPren presidentetzara. PPren iturrien arabera, hitzaldi "hunkigarri" bat emango du, bere hiru urteko agintaldiko errepasoa eginez.
Feijoo garaia
Feijook jaso duen babesa eskertu du eta esan du bere erabakia "asteazkenetik aurrera" egingo duela publiko. Aurreikusi daiteke Galiziako Zuzendaritza Batzordean esatea.
Baieztatzen duenean, Genovan izango duen lantaldearekin bidea hasteaz gain, bi agertokitan oinordetza prestatu beharko du: Galiziako PPko eta Xuntako presidentetzan.
Bere ingurukoek hauteskundeak aurreratzea baztertu dute, eta ez dute uste aldi berean Xuntako presidentea eta Espainiako PPko burua izan daitekeenik, legez posiblea den arren. Hala ere, uste dute ez duela zertan Madrilera "berehala" salto egin.
Horregatik, Pedro Sanchezen Gobernuari oposizioa egiteko modurik logikoena Senatuaren bitartez egitea bada (autonomia erkidegoak izendatuta), hori ez dute berehala espero.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.