Euskadi "infernu fiskal" bihurtzea leporatu dio Iturgaitzek Urkulluri
Carlos Iturgaitz EAEko PPko presidenteak larunbat honetan esan duenez, "Urkulluk infernu fiskal batean bihurtu du Euskadi, eta kalte egiten die bertako familiei; izan ere, horiek, premiazko konponbideak behar dituzte hilabetearen amaierara iristeko".
Portugaleteko (Bizkaia) afiliatuekin egindako ekitaldi batean hitz egin du Iturgaitzek, eta esan du herritar asko hurbiltzen zaizkiola agintarien "gelditasunagatik" kezkatuta daudela esateko. "Urkullu eta Sanchez, bazkideak, burruntziak bezala, elkarri itsatsita daude ez kudeatzeko momentuan, eta ez dituzte benetako arazoak konpontzen", deitoratu du.
"Utzikeria horren aurrean, herritar asko autokonplazentziaren aurka matxinatzen hasi dira, oasi faltsuaren datuak agerian utziz", azpimarratu du PPko buruzagiak, eta Zedarriak enpresa-foro berriaren txostena jarri du adibidetzat: "Egia esaten ari dira, eta esaten dute EAJk marrazten digun euskal oasia irudipen hutsa dela, jeltzaleen kudeaketak porrot egin duelako. Eskerrak eman nahi dizkiet txosten honen egileei EAJren presioak onartu ez dituztelako".
Gaineratu duenez, popularrek "aspaldi" salatzen hasi ziren txosten horrek dioena, "Euskadik aspaldi utzi zion aukeren lurraldea izateari; talentuak ihes egiten du, eta enpresariek beste lur erakargarriago batzuk bilatzen dituzte".
Ildo horretan, Iturgaitzek gaineratu du, "enpresariei pultsua botatzeaz gainera", beste pultsu bat botatzen ari diela EAEko familiei, zergak ez jaisteagatik. "Hobeto kudeatuko balu, herritarrok zerga-beherapena izango genuke gaur, baina ez, hori ez du nahi Urkulluk. Duela egun batzuk Madrilera joan zen, Ayusori esker zerga-beherapenen paradisua izan dena, lur honetan presio fiskala jaisten ez dela azpimarratzera; azken finean, Urkullu Ayusoren arrakasta-eredua kritikatzen saiatzen ari da", salatu du buruzagi popularrak.
Horregatik guztiagatik, Iturgaitzek ziurtatu du PP dela eredu nazionalista horren "alternatiba", "gobernatu daitekeelako zergak jaitsiz eta autonomoei, enpresa txiki eta ertainei presio fiskala arinduz. PPk agintzen duen tokian eredu arrakastatsu bat dago".
Pedro Sanchez Espainiako Gobernuko presidentea ere kritikatu du, "eskrupulurik gabeko presidentea, Moncloan jarraitzearren herrialde baten sekretuak ere saltzeko gai delako".
"EH Bildu eta ERC sekretu ofizialen batzordean sartzea piraña bat komunean sartzea bezala da; lapurrari etxeko giltzak ematea da. Horiek guztiak hilzorian dagoen gobernu baten sintoma larriak dira", ondorioztatu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.