Eva Lopez de Arroyabe eta Rocio Vitero EH Bilduren zerrendaburu bezala berretsi dituzte Araban
Eva Lopez de Arroyabe eta Rocio Vitero EH Bilduko zerrendaburu gisa berretsi dituzte Araban. Horrela, Arabako ahaldun nagusi eta Gasteizko alkate izateko hautagai izendatu dituzte, 2023ko hauteskundeetan.
Bozketak amaituta, inongo alegaziorik ez da aurkeztu; Eva Lopez Arroyabek botoen % 98,8 jaso ditu, eta Rocio Viterok bozen % 91, EH Bilduk ohar batean jakitera eman duenez.
Bozketak maiatzaren 26, 27 eta 28an egin zituzten, eta koalizioaren lurraldeko militanteen erdia baino gehiagok parte hartu dute.
Eva Lopez de Arroyabek (Gasteiz, 1973) Idazkaritza Zuzendaritza titulua du. 2007tik 2011ra UAGA eta EHNE sindikatuetako zuzendaritzako kide izan zen, eta EHNEko berdintasun arloa zuzendu zuen. UAGAren zuzendaritzan parte hartu duen lehen emakumeetako bat izan da, beste bi kiderekin batera.
Gainera, 2014tik 2016ra Gure Soroa Arabako Emakume Nekazarien Elkarteko presidenteordea izan zen. 2013tik 2017ra, Larreako Batzorde Administratiboaren presidentetzan jardun zuen. Era berean, 2015etik Arabako batzarkidea izan da, eta 2016tik 2020ra legebiltzarkidea.
Rocio Viterok (Gasteiz, 1980) Gizarte Lanean gradua du, eta Esklusio, Integrazio eta Herritartasunean masterra. Gizarte politiken ikuskaritzan aditua da, eta adinekoen egoitzetan laguntzaile gisa lan egin du.
Era berean, Aterpe zentroko arduraduna izan da, eta Sidalava elkartea koordinatu eta kudeatu du. Mugimendu sozialetan eta boluntario bezala ere ibilitakoa da. 2019tik EH Bilduko zinegotzia da.
Albiste gehiago politika
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.
Sumarrek uste du lehendakariaren proposamenak "marketin hutsa" direla eta "aldaketak" behar direla
Sumar mugimenduak "marketin" gisa baloratu ditu Imanol Pradales lehendakariak Politika Orokorreko Osoko Bilkuran egindako proposamenak, eta ekonomia demokratizatzeko eta klima-aldaketari aurre egiteko lan egingo dutela iragarri du.
EH Bilduk "elkarrizketa nazionala" bultzatuko du "herri proiektu sendo bat eraikitzeko eta erronkei anbizioz erantzuteko"
"Euskal herritarrak entzun, erronkak partekatu eta adostu nahi dugu, guztion artean bakarrik eraiki ahal izango dugulako herri proiektu sendo bat eta aurrean ditugun erronka handiei erantzun", azpimarratu du Otegik.
EAJk esan du Parisko eraikina itzultzea "justizia ekintza bat" dela, eta ez duela ahaztuko PPren eta Voxen "eskandalua"
Marceau etorbideko eraikinak ekitaldi hunkigarria hartu du larunbat honetan, eta bertan izan dira Aitor Esteban EBBko egungo presidentea eta Andoni Ortuzar EBBko presidente ohia (bere agintaldian berreskuratu zuen EAJk eraikina). Horiekin batera izan dira Imanol Pradales lehendakaria eta Eusko Jaurlaritzako hainbat sailburu, Kongresuko, Senatuko eta Europako Parlamentuko bozeramaile jeltzaleak eta Arabako, Bizkaiko eta Gipuzkoako Batzar Nagusietako presidenteak, besteak beste.
EAJk Parisko Marceau etorbideko jauregitxoa berreskuratu duela ospatuko du gaur
Eusko Jaurlaritzako zenbait sailburu eta buruzagi jeltzale izango dira gaur Frantziako hiriburuan, nazien okupazioaren garaian, 1940an, lehen Eusko Jaurlaritzari konfiskatu zioten eraikina itzuli dietela ospatzeko.
Estatus politikoari buruzko eztabaidan aurrera egiteko eskatu die Gure Eskuk alderdi politikoei "subiranotasun osoa" lortzeko
Mugimenduak azpimarratu du zazpi euskal lurraldeen burujabetza eta batasunerako bide praktikoak sartzearen garrantzia, Euskadiren estatus politikoari buruzko balizko edozein akordiotan.
Pradalesek eta Illak migrazioaren kudeaketa eta euskararen, katalanaren eta galizieraren ofizialtasuna aztertu dituzte
Aipatu hiru hizkuntzak "Bruselan entzun eta erabil daitezen" hartutako konpromisoa berretsi dute gaurko bileran, eta azpimarratu dute elkarrekin lanean jarraituko dutela Europako erakundeetan "ofizialtasuna lortu arte".
Kataluniako bizikidetza ez dela "osoa" izango berretsi du Illak, Puigdemonti eta Junquerasi Amnistia Legea aplikatu arte
Kataluniako bizikidetza ez dela "osoa" izango berretsi du Salvador Illa Generalitateko presidenteak, Carles Puigdemonti Amnistia Legea aplikatu arte, Kataluniara itzultzea errazteko, eta Oriol Junquerasi hauteskundeetan aurkeztu ahal izateko. "Zergatik diogu beldurra denok egongo garen etorkizun bati?", galdetu du.
EAJk "diskrezioa" eskatu die alderdiei estatus berriaren negoziaketaren inguruan
ETB1eko "Egun on Euskadi" saioan egindako elkarrizketan, Joseba Diez Antxustegi EAJren Legebiltzarreko bozeramaileak adierazi du estatus berriaren negoziaketen inguruan alderdiak egiten ari diren adierazpenek ez diotela on egiten lortu nahi den akordioaren lanarai. Hala ere, Antxustegi baikor agertu da eta alderdien arteko elkarrizketa "ondo aterako direla" uste du.