PSOEk lege erreforma bat aurkeztu du Auzitegi Konstituzionaleko magistratuak berritu ahal izateko
PSOEk lege proposamen bat aurkeztu du ostiral honetan Espainiako Diputatuen Kongresuan, jardunean dagoen Botere Judizialaren Kontseilu Nagusiak Auzitegi Konstituzionaleko bi magistratu izendatu ahal izateko. Horrela, Konstituzio Auzitegiaren berritzea desblokeatu nahi du Espainiako Gobernuak.
Zehazki, Botere Judizialaren Lege Organikoaren 570 bis artikulua aldatzea eragingo du. PSOEk urgentziaz izapidetzea nahi du, bi ganberek lehenbailehen eman dezaten oniritzia, eta uztailerako indarrean egon dadin.
Hector Gomez talde sozialistak Kongresuan duen bozeramaileak "erantzukizunerako" deia egin die gainerako taldeei.
"Badakizue zer egin behar den lege hau indarrean dagoen bitartean; erantzukizuna eta betebeharra da Botere Judizialak ondo funtziona dezan", azpimarratu du. Gomezen hitzetan, "Auzitegi Konstituzionalaren jardunari normaltasuna eman nahi diogu, ezin baita sine die itxaroten egon PPren borondatea noiz aldatuko".
Auzitegi Konstituzionala osatzen duten 12 magistratuetako lauk ekainaren 12an amaitu zuten beren agintaldia, noiz eta nola ordezkatuko dituzten jakin gabe. Espainiako Konstituzioaren arabera, Botere Judizialaren Kontseilu Nagusiak eta Gobernuak bina magistratu proposatu behar dituzte. Dena dela, PSOE eta PP ez dira ados jartzen Botere Judizialaren Kontseilu Nagusia berritzeko eta, ondorioz, blokeatuta dago Konstituzio Auzitegiko magistratuen aukeraketa.
Egoera desblokeatzeko, Espainiako Gobernuak lege erreforma bat bultzatu du, eta jarduneko Botere Judizialaren Kontseilu Nagusiari ahalbidetuko dio bi magistratu izendatzea.
Unidas Podemos proposamenetik aldendu da
Unidas Podemos Konstituzio Auzitegia berritzeko lege-proposamenetik aldendu da, espazio konfederalarekin "hitzartu gabeko" ekimena delako eta osatu gabea delako, bere jarrera organo konstituzional guztien erreleboa errazteko aldaketak bultzatzea baita.
Ildo horretan, Unidas Podemosek azpimarratu du ekimena PSOEtik soilik abiatzen dela eta ez dagoela haiekin adostuta, eta aldi berean defendatu dute alor horretako lege-aldaketek zabalagoak izan beharko luketela, eta oraindik aldatu gabe dauden gainerako organoak bildu beharko lituzketela, hau da, Botere Judizialaren Kontseilu Nagusia bera.
Zure interesekoa izan daiteke
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.