Anna Gabriel Gorenean aurkeztu da Suitzan lau urte eman ondoren, eta aske utzi du Llarenak
Anna Gabriel CUPeko diputatu ohia bere borondatez aurkeztu da Auzitegi Gorenean, eta, egoera prozesala erregularizatzeko xedez, haren esku utzi du bere burua. Horren ostean, Pablo Llarena magistratuak indarrik gabe utzi du Gabrielen aurkako auzi-iheslariaren deklarazioa, eta aske utzi du. Halaber, deklaratzera deituko duela aurreratu du.
Gabriel Kataluniako diputatua izan zen harik eta Espainiako Konstituzioaren 155. artikulua aplikatuz 2017ko urriaren 28an kargugabetu zuten arte. Iñigo Iruin abokatu berriarekin batera joan da auzitegira, baina uko egin dio prentsaren aurrean adierazpenak egiteari.
2018ko martxoan auzipetu zuten, Kataluniako aldebakarreko independentzia-adierazpenean (DUI) parte hartzeagatik. Suitzan zegoen 2018ko otsailetik, eta 2018ko uztailean deklaratu zuten auzi-ihesean.
Hain zuzen ere, bere asmoa egoera hori erregularizatzea zen. Magistratu instruktoreak, astearte honetan bertan emandako autoan, erabaki du auzi-iheslariaren deklarazioa indarrik gabe uztea. Aurki deituko du deklaratzera, baina, ordura arte, aske egongo da.
Atxilotzeko agindurik gabe
Gabriel ikerketapean zegoen desobedientzia-delitu baten egile gisa, baina ez zegoen hura atxilotzeko eta entregatzeko Europako edo nazioarteko agindurik, delitu horrek ez baitakar berekin espetxe-zigorrik, urtebetera arteko isuna eta bi urtera arteko enplegu edo kargu publikorako desgaikuntza baino ez.
Hala ere, bazen hura atxilotzeko agindu nazional bat eta Auzitegi Gorenaren esku jartzeko; izan ere, haren aurkako prozeduran ezin zen legez aurrera egin bere deklarazioa entzun gabe.
Bere burua entregatu ondoren, Llarenak "bere aurkako bilaketa eta atxiloketa" agindua indarrik gabe uztea erabaki du, baina "deitzen zaion guztietan agertzeko" betebeharra duela azpimarratu du.
Zure interesekoa izan daiteke
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.