Otegi: "Atzeraldi ekonomikoa euren intereserako neurriak hartzen dituzten elite batzuen ondorioa da"
Arnado Otegi EH Bilduko koordinatzaile nagusiak esan du Ukrainako gerrak eragindako egoera ekonomikoa "euren intereserako neurriak hartzen dituzten elite batzuen ondorioa" dela, eta gaineratu du badaudela egungo krisiari aurre egiteko neurriak, baina "borondate kontua" dela.
EH Bilduko buruak defendatu du beharrezkoa dela "jendeari azaltzea udazken gogorra izango dugula, batzuek, elite ekonomikoek eta politikoek, euren interesengatik gerra luzatzea erabaki dutelako", eta ukatu egin du egoera hori "atzeraezina" denik, "beste era bateko neurriak har daitezkeelako eta hartu behar direlako".
Urte politikoaren hasierako egoera politikoa aztertzeko EH Bilduren Mahai Politikoaren bileran, Otegik ohartarazi du "udazken gogorra" izango dela.
Halaber, azaldu duenez, "mundua ez da aldatuko egiturazko neurriak hartzen ez badira", eta neurri horiek eta aringarriak "lehenbailehen" hartu behar direla azpimarratu du.
EH Bilduk proposatzen dituen neurri "alternatiboen" artean, "erreforma fiskala" egiteko beharra eta sektore estrategikoen eskuhartzea aipatu ditu, hala nola energia eta higiezinen merkatua. "Politika jendearen arazoak konpontzeko da, ez hauteskundeetako galdeketetan gora egiteko", adierazi du.
Otegiren ustez, "udazken gogorra" datorrela edo "ekaitza" etorriko dela esaten duten arduradun politikoen ohartarazpenek, Iñigo Urkullu lehendakariak joan den asteartean adierazi zuen bezala, "atzeraldian sartzeko arriskua dagoela, inflazioa areagotu, lehengaiak igo eta gauza jakin batzuk urritu egingo direla ezkutatu nahi dute".
Ildo horretan, egoera hau "hartu beharreko erabakiak eta neurriak hartuz gero gelditu daitekeela" defendatu du, eta borondate kontua dela gaineratu du. "Armen bidalketa gelditu behar da, Errusia eta Ukrainaren arteko gatazkan desmilitarizatu eta deseskalatu, negoziazio mahai batean eseri eta irtenbide politikoa bilatu", esan du.
Albiste gehiago politika
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.