Santisteban Alonsotegiko EAJren alkate ohia ustelkeria kasu batean nahasita egon liteke, epaile baten ustez
Leyre Perez Barakaldoko (Bizkaia) 1. zenbakiko Instrukzio Epaitegiko magistratuak ustelkeria zantzuak antzeman ditu Alonsotegiko EAJren beste alkate baten jardunean. Zehazki, Aitor Santisteban Aldamak (2007-2011 legegintzaldian izan zen alkate), Alberto Zulueta Goienetxea Udalarentzat lan egin zuen arkitektoarekin eta lau eraikuntza enpresabururekin batera sinatutako hainbat lan egiteko dekretuak ikertu ditu epaileak, eta sei delitu egon diren susmoa azalarazi du.
Ikerketa egin ondotik emandako autoan, epaileak ebatzi du seiek "ados jarrita, eta modu ez zilegian etekin ekonomikoa lortu nahian, hainbat lan egiteko itxurak egin zituztela Estatuko, lurraldeko eta tokian tokiko dirulaguntzak eskuratzeko, ondare publikoen kaltetan". Instrukzio epailearen ustez, ustelkeriarekin lotutako sei delitu egin ahal izan dituzte ikertutakoek, besteak beste, prebarikazioa, iruzurra dirulaguntzak jasotzeko, bidegabeko eralgitzea eta dokumentu ofizialak faltsutzea.
Instrukzioa bukatuta, Fiskaltzari eta kereilariei (Udala bera, Bizkaiko Foru Aldundia, Estatuko Abokatutza eta EH Bildu) euren akusazioak aurkezteko eskatu die epaileak, balizko ahozko epaiketa bat egiteko.
Autoaren arabera, ikertutako bost pertsonek Alonsotegin egin beharreko lanen inguruko lau proiektu aurkeztu eta onartu zituzten 2008an, denak ere diru publikoz ordaintzeko (Bizkaiko Foru Aldundiaren eta Espainiako Gobernuaren dirulaguntzak eskatu zituzten finantzatzeko). Milioi bat euro pasatxo eskuratu zituztela uste du epaileak, lanak ez baitziren burutu. Dirutza Zulueta arkitektoaren estudiora eta eraikuntza enpresetara bideratu ei zuten.
Ustelkeriarekin lotuta, ikerketapean den Alonsotegiko hirugarren alkate jeltzalea da Santisteban. Hain justu, datorren astean hasiko da Jose Luis Erezuma (2011-2015) EAJren alkate ohi eta Santistebanen ondorengoaren kontrako epaiketa. Gabino Martinez de Arenaza (2003-2007) ere auzipetuta dago antzeko delituengatik.
EAJren Bizkai Buru Batzarrak (BBB) prozedura judiziala "errespetatzen" duela adierazi du.
Zure interesekoa izan daiteke
Insaustik donostiarrei "gehiago eta hobeto entzuteko" konpromisoa hartu du
Astearte honetako Tokiko Gobernu Batzarraren osteko prentsaurrekoan, Jon Insaustik adierazi du bilera "berezia eta gogorra" izan dela. Donostiako alkateak eta Ane Oyarbide PSE-EEren Udaleko bozeramaile eta lehen alkateordeak Donostiako Gobernua "indartsu, indarberrituta eta jarrera berriarekin" dagoela defendatu dute.
Euskadik eta Iparraldeak lankidetza-akordioa sinatu dute igarobidean dauden migratzaileen inguruan
Akordio berria Gasteizko Ajuria Enea Jauregian sinatu dute Imanol Pradales lehendakariak eta Jean-Rene Etchegaray Euskal Hirigune Elkargoko presidenteak eta Baionako alkateak, eta "erronka politiko, ekonomiko, sozial eta ingurumenekoei elkarrekin aurre egiteko ikuspegi komuna eraikitzeko" borondatea dutela adierazi dute.
Garcia Ortizen prentsa burua: "Ayusok susmoaren harra elikatu zuen"
Mar Hedok lekuko gisa deklaratu du astearte honetan Alvaro Garcia Ortiz Estatuko fiskal nagusiaren aurkako epaiketan; Gonzalez Amadorren abokatuak bere bezeroaren izenean Ogasunari iruzur egitea onartu zuen mezu elektroniko bat filtratu eta sekretuak zabaltzearen delitua egin zuelakoan ari dira epaitzen Garcia Ortiz.
Azaroaren 23an izango dira Arabako kontzejuetako hauteskundeak
30.000 pertsona baino gehiago daude botoa ematera deituta lurraldeko 333 kontzejuetan, Administrazio Batzarrak berritzeko. Batzar horiek landa-bideak, mendiak, iturriak, baso-ondarea eta bestelako ondasun publikoak kudeatzen dituzte.
PSNrekin akordioa lortuz gero, Iruñeko udalaren aurrekontuak "inoiz izan diren kontu zabalenak" izango direla adierazi du Asironek
Joseba Asironek argi esan du PSNrekin akordioa lortu eta Iruñeko udalaren aurrekontuak onartu egingo direla. Inoiz izan diren kontu zabalenak izango direla adierazi du Euskadi Irratian Asironek.
Albiste izango dira: Mazonen dimisioaren biharamuna, Ayusoren bikotekidea epailearen aurrean eta Bizkaiko DYAko presidente ohiaren aurkako epaiketa
Gaurkoan Orain-en albiste izango direnen laburpena, bi hitzetan.
Ayusoren bikotekideak eta Miguel Angel Rodriguez haren kabineteko buruak Estatuko fiskal nagusiaren aurkako epaiketan deklaratuko dute gaur
Auzitegi Gorenak Alvaro Garcia Ortizen epaiketaren bigarren eguna egingo du gaur, sekretuak ezagutaraztea egotzita. Alberto Gonzalez Amadorrek eta Miguel Angel Rodriguezek egingo duten deklarazioak izango dira eguneko hitzordu nagusiak.
PPk Voxen esku utziko du Valentziako Gobernuaren etorkizuna, Mazonen dimisioaren ostean
Alberto Nuñez Feijoo eta Santiago Abascal PP eta Voxeko buruek, hurrenez hurren, telefonoz hitz egin dute astearte honetan. Genovako iturrien arabera, "tonu atsegin eta onean" aritu dira hizketan bi politikariak, baina, oraindik, mahai gainean izen-abizenik jarri gabe. Antza, bat etorri dira, iritzi baitiote lehentasuna "Valentziari egonkortasuna ematea" dela.
Bilbok 751 milioi euroko aurrekontua izango du 2026an, aurten baino % 4,5 gehiago
Juan Mari Aburto Bilboko alkateak udal aurrekontuen proiektua aurkeztu du, herritarren "beharrizanekin koherentea eta jasangarria" dela iritzita. Santutxuko ertzain-etxe berria, Deustuko suhiltzaile-parkea eta Emakumeen Etxea dira aurreikusten diren proiektu handienetako hiru. Gainera, Segurtasuna, Etxebizitza eta Zerbitzu Publikoak izango dira aurrekontuen ardatzak, Aburtoren hitzetan.
GOIDIaren biktimak kalera atera dira justizia eskatzeko, dimisioaz haratago
GOIDIaren biktimak kalera atera dira berriro ere, dimisioaz haratagoko justizia eskatzeko. Euren ustez, berandu eta gaizki heldu da Carlos Mazonen dimisioa. Gainera, gaitzetsi egin dute presidentearen hitzaldiaren muina kalte materialak izan izana, bai eta bere burua kriminalizazioaren biktimatzat jo izana.