DSBE jasotzeko adina 23 urtetik 18ra jaitsiko da, eta zenbatekoa 803 eurora igo
Gizarteratzeko eta Diru Sarrerak Bermatzeko Euskal Sistemaren lege proiektuaren inguruan Eusko Jaurlaritzak eta Elkarrekin Podemos-IUk akordioa lortu eta biharamunean, Miren Gorrotxategi eta David Soto koalizio moreko legebiltzarkideek adostutakoaren xehetasunak eman dituzte. Diru Sarrerak Bermatzeko Errenta (DSBE) jaso ahal izateko adina 23 urtetik 18ra jaitsiko da, eta nahikoa izango da Lanbiden urtebetez izena emanda egotea.
David Sotok bere agerraldian azaldu duenez, hiru arlotan lortu dituzte aurrerapausoak: prestaziorako irisgarritasuna, eraginkortasuna eta berme juridikoak. Elkarrekin Podemos-IUko legebiltzarkidearen esanetan, DSBErako sarbidea unibertsalizatzea eta dirulaguntza eskuratzeko oztopoak ezabatzea lortu dute. Hasierako lege proiektuan, kolektibo zaurgarriei eskatzen zitzaien prestazioa jaso ahal izateko Gizarte Segurantzan gutxienez 240 egunez kotizatzea, eta orain baldintza bakarra izango da Lanbiden urtebetez alta emanda egotea. Auzi horretan 180 graduko bira eman dela uste du: "Eusko Jaurlaritzak bilatu behar dizu lana, eta lortzen ez badizu, DSBE prestazioa jasotzeko eskubidea duzu".
Errolda baldintzak ere malguagoak izango dira aurrerantzean kolektibo zaurgarrienentzat. Hasierako lege proiektuak hiru kolektibo salbuesten zituen erroldatuta egotetik: errefuxiatuak, indarkeria matxistaren eta sexu salerosketaren edo esplotazioaren biktimak, baita gizarte bazterkeria pairatzeko arriskuan dauden adin txikikoak ere. Orain, salbuetsitako kolektiboen zerrenda zabalduko da. Halaber, erroldaren baldintza urtebetera murriztuko zaie ardurapean adingabeak edo mendetasuna edo desgaitasuna duten adinekoak dituzten familiei.
Diru Sarrerak Bermatzeko Errenta jasotzen dutenen zenbatekoa ere igo egingo da, 727 eurotik 803 eurora. Izan ere, zenbatekoa kalkulatzeko modua aldatuko da, eta erreferentzia pobrezia tasa izango da, hots, batez besteko errentaren % 60.
Bestalde, berme juridikoei lotutako hainbat "aurrerapen" ere aipatu ditu. Arartekoak DSBEaren inguruan egindako gomendioak sartu ditu koalizio moreak negoziazio prozesuan, eta Eusko Jaurlaritzak guztiak onartu dituela azpimarratu du David Sotok. Adibidez, zantzuekin bakarrik ezingo dira prestazioak ezabatu edo murriztu, aldez aurretik interesatuarekin hitz egin gabe.
Elkarrekin Podemos-IUren kalkuluen arabera, une honetan, 60.000 pertsona daude pobrezia arriskuan egonik DSBEa jaso beharko luketenak, baina jasotzen ez dutenak.
Hobekuntza horiek guztiak 2023rako aplikatzeko konpromisoa hartu dute, baina onartu dute legea garaiz onartzeko denboraz justu ibiliko direla.
EAJren eta PSE-EEren balorazioa
Eusko Legebiltzarreko EAJren eta PSE-EEren talde parlamentarioak pozik agertu dira Diru Sarrerak Bermatzeko Euskal Sistemaren lege proiektuaren inguruan Elkarrekin Podemos-IUrekin lorturiko adostasunagatik.
Elkarrekin argitaratu duten ohar batean azaldu dutenez, akordioa ona da gizarte eragileekin lortutako "adostasun zabalari" gehitzen zaiolako.
Arau berriak "pertsona zaurgarri gehiago babesten lagunduko du, eta, horrez gain, beren egoeratik ateratzeko aukera gehiago izango dituzte".
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.