Agus Hernan: "Euskadin biztanleko dugun polizia ratioak ez du zentzurik"
Agus Hernan Foro Sozialeko bozeramailearen hitzetan, "Euskadin biztanleko dugun polizia ratioak ez du zentzurik". Horren ustez, "Euskadikoa Europako handiena da oraindik eta, terrorismoaren aurkako logikarekin lehen uler zitekeena, gaur egun ez du ez hanka ez bururik".
Datorren martxoan Foro Sozialak 10 urteko ibilbidea itxiko duela iragarri zuten aste honetan, eta egindako lana baloratzeko topaketa egin zuten larunbat honetan Durangon.
Radio Euskadiko "Cronica de Euskadi Fin de Semana" irratsaioan eskainitako elkarrizketan Hernanek adierazi duenez, 2015ean "inork ez zuen irudikatzen egungo agertoki bezalako bat, armagabetze ordenatua nahi ez zuten Gobernuaren eta eragile anitzen artean mesfidantza anitz zeudelako". Egun, berriz, "epe berrian sartzen ari gara, zailtasunak ere izango dituena", ondorioztatu du.
Hernanen iritziz, "ez daude biktima onik edo txarrik, zentzu baten pausuak eman nahi dituzten biktimak eta une egokia ez dela deritzoten beste biktima batzuk baizik, baina guztiek errespetua merezi dute".
Bestalde, egungo testuinguruan, ETAko presoei ezarritako "salbuespenezko espetxe-politikaren amaiera" aldarrikatu du, eta oraindik ez dela murriztu Estatuko Segurtasun Indarrek Euskadin dituzten agente kopurua.
"Euskadin biztanleko dugun polizia ratioak Europako handiena izaten jarraitzen du. Terrorismoaren aurkako logikarekin lehen uler zitekeena, gaur egun, Aieteko konferentzia izan zenetik 12 urtera, ez du ez hanka ez bururik". Bake-prozesuetan "polizia-ereduari buruzko eztabaida izaten da beti, eta hemen ez da hori gauzatu", deitoratu du.
Amaitzeko, "partekatutako etorkizunaren oinarriak zehazteko" garaia dela ondorioztatu du, "nekea eta memoria falta orokortu ez daitezen". "Irabazleen eta garaituen parametrotan oinarritutako kontakizunak ez dio elkarbizitza demokratikoari ekarpenik egiten", bukatu du.
Albiste gehiago politika
Andueza "harro" agertu da sozialista batek Monbar hoteleko biktimen familiei barkamena eskatu izanagatik
1985ean Baionako Mombar hotelean GALek hildako Jose Mari Etxaniz, Iñaxio Astiasuinzarra, Agustin Irazustabarrena eta Sabin Etxaide ETAko kideen familiei barkamena eskatu zien Maria Jesus San Jose sailburuak astelehen honetan izandako ekitaldi batean. Eneko Andueza PSE-EEren idazkari nagusiak Euskadi Irratiko "Faktoria" saioan adierazi duenez, "oso ekitaldi hunkigarria izan zen, beharrezkoa, eta espero dut aurrerantzean urrats gehiago emateko aukera gehiago izatea".
Pradalesen arabera, "gaitzesgarria eta onartezina" da Ayusok haren hitzak manipulatzea, eta Euskadi errespetatzea eskatu dio
Lehendakariak esan du ez dela "tranpa horretan eroriko, probokazioa gorabehera", eta adierazi du ez duela onartuko "euskara mespretxatzea" eta ahotsa altxatuko duela errespetatzen ez denetan. "Denak ez du balio", azpimarratu du.
Ainara Esteran, Egiari Zor: "Aurrera egiteko ezinbestekoa da biktimen auzia alderdikerietatik urruntzea"
Hotel Monbar, 1985. 40 urte GALen sarraski handienetik erakusketaren inaugurazioan hartu du hitza estatuetako biktimen eskubideen alde lan egiten duen Egiari Zor fundazioaren ordezkariak. "Herri honetan gertatu diren giza eskubideen urraketa larriei" erreparatzeko eskatu du, "jasan zuten indarkeria nork eragin zuen".
Maria Jesus San Josek GALen ekintzez "harro hitz egin zuten" politikari ohien adierazpenak gaitzetsi ditu
Justizia eta Giza Eskubideetako sailburuak barkamena eskatu die duela 40 urte GALek Baionako Monbar Hotelean hil zituen biktimen senideei, "lau hamarkadako erakundeen presentzia faltagatik eta isiltasun sozialagatik".
Jaurlaritzak barkamena eskatu die Monbar hoteleko biktimen senideei, hamarkadatako "presentzia falta" eta "isiltasunagatik"
Maria Jesus San Jose sailburuak hainbat politikari ohik egindako adierazpenak ere gaitzetsi ditu eta esan du “mina eragiteko, demokraziaren sinesgarritasuna urratzeko eta giza eskubideen defentsan sustraiak dituen alderdi politiko baten siglak zikintzeko bakarrik” balio izan zutela.
"Euskadi euskaldun" eta "pim, pam, pum”: Ayusok Pradalesen hitzak nahastu ditu
Alderdi Egunean, lehendakariak "autogobernua ezabatu" nahi izatea leporatu zion Madrilgo Erkidegoko presidenteari.
Bilboko mobilizazioak burujabetzaren aldeko borondate sendoa islatu du, Gure Eskuren ustez
Gure Eskuko bozeramaileek larunbatean Bilbon egin zuten mobilizazioaren balorazioa egin dute, eta euskal herritarren burujabetza-beharrak eta nahiak nabarmendu dituzte.
Cerdan espetxeratzeak Belateko lanekin "zerikusirik ez" duela azpimarratu du Chivitek
Nafarroako Gobernuko presidentearen ustez, PSOEren diputatu eta Antolakuntza idazkari ohia Nafarroako azpiegiturekin "arduratuta" zegoen, eta Nafarroako diputatu zen heinean, ministerioekin izan zituen batzar batzuetan parte hartu zuela.
Albiste izango da: Chivite Senatuan, Alerta Gorria penintsulako ekialdean eta Trump-Netanyahu bilera
Orainek gaur landuko dituen albiste nagusien laburpena.
EAJk esan du saiatuko dela Gipuzkoako aurrekontuak aurrera ateratzen, baina EH Bildurekin akordioa zail ikusten du
Ez dutela itxaropena galduko baina koalizio abertzalearen hitzetan konfiantza handirik ez dutela adierazi dute EAJko ordezkariek. "Orain arteko ekintzek erakutsi dute. EH Bilduk ez, ez eta ez erantzun die Gipuzkoako aurrekontu proposamenei 2015etik gaur arte", zehaztu dute.