Estebanek, EAJren igandeko emaitzei buruz: "Uste dut Espainiako hauteskundeetan giroa ezberdina izango dela"
EAJk Diputatuen Kongresuan duen bozeramaile Aitor Estebanek gaurkotasun politikoari gainbegirada eman dio Euskadi Irratiko "Faktoria" saioan, maiatzaren 28ko udal eta foru hauteskundeetan jeltzaleek izan zuten boto galeratik abiatuta. "Edozein hauteskundek tentsioan jartzen zaitu, baina uste dut uztailaren 23ko bozkak oso ezberdinak izango direla. Egia da jaitsiera izan dugula, kudeaketan huts batzuk egin ditugulako, pandemia batetik atera garelako eta gizarteak desegonkortasun hori sumatu duelako. Halere, itxaropentsu nago, pentsatzen dudalako giroa ezberdina izango dela", esan du.
Sanchez berriro babesteari ez dio aterik itxi, nahiz eta onartu duen horretarako baldintzak "beste modu batean" planteatuko dituztela, azken hiru urteotan ikasitakoa kontuan hartuta. Feijoorekin hitz egitea ere badago EAJren aukeren artean, "betiere Voxekin batzen ez bada". "Guk gure programa defendatuko dugu Madrilen, euskal gizartearentzat onena dena", erantsi du.
"Sanchezek momentu bakoitzean komeni izan zaiona egin du, nahiz eta konpromisoak ez bete. Sanchez da bera eta berea", adierazi du elkarrizketan. Hala eta guztiz ere, pozik azaldu da Espainiako Gobernuak dagoeneko bete duelako aurrekontu konpromisoetan hitzartutakoaren % 80. "Kontrara, inbestidura akordioan, naziotasuna aintzat hartzean eta eskumenetan ez du borondaterik erakutsi", azpimarratu du.
Bukatzeko, EAJren eta EH Bilduren arteko lehiak Madrilen irudikatuko duen agertokiaz mintzatu da. "Lehiatuko gara, eta ikusiko dugu nor den nor. Argi dut guk gehiago kudeatu dugula, eta EH Bilduk marketin gehiago egin duela, saldu dituzten gauza asko ez direlako gauzatu", amaitu du.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere ez"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".